సినిమా ప్రమోషన్స్ లో భాగంగా ఏర్పాటు చేసే టీజర్ లాంచ్,సాంగ్ లాంచ్ వంటి వాటి వెనుకున్న ముఖ్య ఉద్దేశం బిజినెస్ కి హెల్ప్ అవ్వాలని. ఓటీటీ, శాటిలైట్, డబ్బింగ్ వంటికి హెల్ప్ అవ్వాలనే ఆలోచనతోనే ప్రమోషన్స్ గట్టిగా చేస్తారు. ఇందుకోసం సినిమాలో బాగోనిది బాగున్నట్టు, బాగున్నది అద్బుతంగా ఉందన్నట్టు హైప్ ఇస్తారు. అంతేకాదు ఈ సినిమా రిలీజ్ కి ముందు మంచి హైప్ క్రియేట్ చేసింది అని, బిజినెస్ కూడా బాగా జరుగుతుందని అబద్దాలు కూడా చెబుతుంటారు.
కానీ ఓ హీరో మాత్రం తన సినిమాకి బిజినెస్ జరగలేదు అని మొహమాటం లేకుండా చెప్పేసి షాక్ ఇచ్చాడు. అతను మరెవరో కాదు సీనియర్ హీరో జగపతి బాబు(Jagapathi Babu). ఆయన ప్రధాన పాత్రలో ‘వదలా’ అనే సినిమా రూపొందింది.దీని ప్రమోషన్స్ లో భాగంగా.. ఈరోజు ట్రైలర్ లాంచ్ వేడుకను నిర్వహించారు. ఇందులో భాగంగా.. హీరో జగపతి బాబు మాట్లాడుతూ.. ” మా సినిమాకి బిజినెస్ జరగలేదు. థియేటర్లతోనే బిజినెస్ జరగాలి. ప్రేక్షకులు ఈ సినిమాని థియేటర్లలో చూసి మా బిజినెస్..కి హెల్ప్ చేస్తారని ఆశిస్తున్నాను.
మా బాధ్యతల్లా ‘వదలా’ సినిమాని గట్టి ప్రమోషన్ తో సౌండ్ చేసి రిలీజ్ చేయడమే..! మిగతాది మీరే చూసుకోవాలి” అంటూ జగపతి బాబు చెప్పడం జరిగింది. ఇక నిర్మాతల్లో ఒకరైన తమ్మారెడ్డి మాట్లాడుతూ.. ” ఈ పరిస్థితి ఇప్పుడు చాలా చిన్న సినిమాలకి ఉంది. ఒకప్పుడు ప్రేక్షకుల కోసం సినిమాలు చేసేవాళ్ళం. కానీ ఇప్పుడు ఓటీటీలు, శాటిలైట్, నార్త్ ఆడియన్స్ వంటి వాళ్ళని దృష్టిలో పెట్టుకుని మార్కెట్ కోసం సినిమాలు చేయాల్సి వస్తుంది” అంటూ ఓపెన్ గా చెప్పుకొచ్చారు.
జూలై 17న రిలీజ్ అయ్యే ఈ ‘వదలా’ సినిమా కచ్చితంగా ప్రేక్షకులను అలరిస్తుంది అని ధీమాగా చెబుతుంది చిత్ర బృందం. చూడాలి వారి నమ్మకం ఎంత బలమైనదో..!
