ప్రైమ్ స్టార్ జగపతిబాబు హీరోగా చిన్నారి ఆర్ట్స్, శ్రీ తిరుమల సినిమాస్ పతాకాలపై అర్జున్ వాసుదేవ్ దర్శకత్వంలో బి.వి. రామకృష్ణ ఎగ్జిక్యూటివ్ ప్రొడ్యూసర్గా రాజేష్ చిన్నారి, ప్రతాప్ దండెం సంయుక్తంగా నిర్మిస్తున్న యాక్షన్ ఎంటర్టైనర్ చిత్రం ‘సూర్యాభాయ్’. ఇప్పటి వరకు 3 షెడ్యూల్స్ షూటింగ్ పూర్తి చేసుకున్న ఈ చిత్రం చివరి షెడ్యూల్ని మే 5 నుండి జరుపనున్నారు. ఈ షెడ్యూల్తో షూటింగ్ మొత్తం పూర్తవుతుంది. అన్ని కార్యక్రమాలు పూర్తి చేసి జూలైలో చిత్రాన్ని విడుదల చేయడానికి నిర్మాతలు సన్నాహాలు చేస్తున్నారు.
ఈ సందర్భంగా చిత్ర నిర్మాతలు రాజేష్ చిన్నారి, ప్రతాప్ దండెం మాట్లాడుతూ..”అవుట్ అండ్ అవుట్ యాక్షన్ ఎంటర్టైనర్గా రూపొందుతున్న ఈ చిత్రంలో జగపతిబాబు ఓ పవర్ఫుల్ పాత్రలో నటిస్తున్నారు. టైటిల్ ఎంత పవర్ఫుల్గా ఉందో జగపతిబాబు గారి పాత్ర కూడా అంతే పవర్ఫుల్గా ఉంటుంది. పొలిటికల్ సెటైరికల్ బ్యాక్డ్రాప్లో ఈ చిత్రం ఉంటుంది. సెంటిమెంట్, ఎమోషనల్, ఫ్యామిలీ డ్రామా అన్ని కమర్షియల్ ఎలిమెంట్స్ ఈ చిత్రంలో ఉన్నాయి. ప్రేక్షకులందరూ ఎంజాయ్ చేసే విధంగా ఈ చిత్రాన్ని దర్శకుడు అర్జున్ వాసుదేవ్ తీర్చిదిద్దుతున్నారు. షాయాజీషిండే, ప్రదీప్రావత్, సుమన్, సాయికుమార్, డి.ఎస్.రావ్ ముఖ్యపాత్రల్లో నటిస్తున్న ఈ చిత్రంలో ఓ ప్రముఖ హీరోయిన్ జగపతిబాబుగారి సరసన నటిస్తుంది. క్వాలిటీ విషయంలో ఎక్కడా కాంప్రమైజ్ అవ్వకుండా భారీ బడ్జెట్తో ఈ చిత్రాన్ని లావిష్గా తెరకెక్కిస్తున్నాము.
స్టైలిష్ యాక్షన్ ఎంటర్టైనర్గా రూపొందుతున్న ఈ చిత్రం ఖచ్చితంగా సూపర్డూపర్ హిట్ అవుతుందనే నమ్మకంతో ఉన్నాం. మే 5 నుండి జరిపే చివరి షెడ్యూల్తో షూటింగ్ మొత్తం పూర్తవుతుంది. జూన్లో పోస్ట్ ప్రొడక్షన్ కార్యక్రమాలను పూర్తిచేసి జూలైలో ఈ చిత్రాన్ని వరల్డ్ వైడ్గా రిలీజ్ చేయడానికి ప్లాన్ చేశాం..”అన్నారు. ఓ ప్రముఖ హీరోయిన్ జగపతిబాబు సరసన కథానాయికగా నటిస్తున్న ఈ చిత్రంలో షాయాజీషిండే, ప్రదీప్రావత్, సుమన్, సాయికుమార్, డి.ఎస్.రావ్, రాజారవీంద్ర, ఉత్తేజ్, పరుచూరి వెంకటేశ్వరరావు, దిల్ రమేష్, అర్చన తదితరులు ప్రధాన పాత్రలు పోషిస్తున్నారు.
Also, do SUBSCRIBE to our YouTube channel to get latest Tollywood updates.
