‘లెజెండ్’ సినిమాతో త‌న సెకండ్ ఇన్నింగ్స్ మొద‌లెట్టాడు జ‌గ‌ప‌తిబాబు. ఏ ముహూర్తాన విల‌న్‌గా రంగ ప్ర‌వేశం చేశాడో గానీ అప్ప‌టి నుండి వరుసగా ఛాన్సులు వ‌స్తున్నాయి. లెజెండ్ త‌ర‌వాత జ‌గ్గూభాయ్ ఒక్క రోజుకూడా ఖాళీగా ఉండడం లేదు. తెలుగుతో పాటు కోలీవుడ్ లో కూడా నటిస్తూ.. బిజీ స్టార్ అయిపోయాడు.
ప్ర‌స్తుతం పూరి జ‌గ‌న్నాథ్, కళ్యాన్ రామ్ సినిమాలో విల‌న్‌గా న‌టించ‌బోతున్నాడు జ‌గ్గూభాయ్. ఇప్పుడు మ‌రో క్రేజీ ఆఫ‌ర్ ను దక్కించుకున్నాడు. కె.రాఘ‌వేంద్రరావు ద‌ర్శ‌క‌త్వంలో నాగార్జున క‌థానాయ‌కుడిగా ఓ భ‌క్తిర‌స ప్ర‌ధాన చిత్రం తెర‌కెక్క‌బోతోంది. అనుష్క క‌థానాయిక‌గా న‌టిస్తోంది. ఇందులో జ‌గ‌ప‌తిబాబుకి ఓ కీల‌క మైన పాత్ర ద‌క్కిన‌ట్టు స‌మాచారం. ఎన్టీఆర్, వ‌క్కంతం వంశీ కాంబినేష‌న్ సినిమాలోనూ జ‌గ‌ప‌తి కీ రోల్ చేస్తున్నాడ‌ట. మొత్తానికి వరుస అవకాశాలతో ఇండస్ట్రీలో మోస్ట్ వాంటెడ్ హీరో అయిపోయాడు మన జగ్గుభాయ్.
