తమిళీయుల సాంప్రదాయ క్రీడ జల్లికట్టు ఈ ఏడాది ఢిల్లీ వరకు వెళ్లింది. ఈ క్రీడను రద్దు చేయమని కేంద్రం జీవో పాస్ చేయగా.. తమిళ ప్రజలు కలిసికట్టుగా పోరాడి ఆ జీవో నే రద్దు చేయించారు. ఉద్యమించిన తమిళీయులకు టాలీవుడ్ సూపర్ స్టార్ మహేష్ బాబు ట్విట్టర్లో మద్దతు తెలిపారు. కొన్ని రోజులుగా ప్రధాన వార్త అయిన ఈ సంఘటనను తన కొత్త సినిమాలో పెట్టాలని ప్రిన్స్ భావించారని తెలిసింది. తమిళ డైరక్టర్ మురుగదాస్ దర్శకత్వంలో తెరకెక్కుతోన్న ఈ మూవీ ద్వారా మహేష్ కోలీవుడ్ లోకి అడుగుపెడుతున్నారు. ఇందులో జల్లికట్టు అంశం ఉంటే బాగుంటుందని సూపర్ స్టార్ చెప్పడంతో డైరక్టర్ అందుకు తగ్గట్టు కొత్తగా కొన్ని సీన్లు రాసినట్లు సమాచారం.
ఇప్పటికే 80 శాతం షూటింగ్ పూర్తిచేసుకున్న ఈ చిత్రంలో జల్లికట్టుని జోడించే పనిలో ఉన్నట్లు తెలిసింది. జల్లికట్టు క్రీడను చూపించమని, ఆ ఉద్యమంలో తమిళ యువత స్ఫూర్తిని క్లైమాక్స్ లో మిక్స్ చేస్తామని చిత్ర బృందం వివరించింది. ఠాగూర్ మధు, ఎన్వీ ప్రసాద్ సంయుక్తంగా నిర్మిస్తున్న ఈ మూవీలో మహేష్ ఇన్వెస్టిగేట్ ఆఫీసర్ గా కనిపించనున్నారు. అతనికి జోడీగా ఫిట్ బ్యూటీ రకుల్ ప్రీత్ సింగ్ నటిస్తోంది.
Also, do SUBSCRIBE to our YouTube channel to get latest Tollywood updates.
