తమిళనాడు సీఎం దళపతి విజయ్ (Vijay) చివరి మూవీగా జననాయగన్ గురువారం తమిళంతో పాటు తెలుగు ప్రేక్షకుల ముందుకొచ్చింది. పొలిటికల్ యాక్షన్ థ్రిల్లర్గా రూపొందిన ఈ సినిమాలో పూజా హెగ్డే హీరోయిన్గా నటించగా….మమితా బైజు ఓ కీలక పాత్రను పోషించింది. బాలకృష్ణ భవంత్ కేసరికి రీమేక్గా రూపొందిన ఈ మూవీకి హెచ్ వినోథ్ దర్శకత్వం వహించారు జాననాయకుడుగా తెలుగులో రిలీజైన ఈ సినిమా ఎలా ఉంది? చివరి సినిమాతో విజయ్ తెలుగు ఆడియెన్స్ను మెప్పించాడా? అంటే?
కథ: దళపతి వెట్రి కొండన్ (Vijay) ఓ పోలీస్ ఆఫీసర్. డీఎస్పీ అమ్రిష్ పుజారిని (Bobby Deol) చంపిన కేసులో జైలు పాలవుతాడు. ఈ కేసులో దళపతికి వ్యతిరేకంగా అతడి తల్లి (రేవతి) సాక్ష్యం చెబుతుంది. ఆ పశ్చాత్తాపంతో ఆమె చనిపోతుంది. తల్లి చివరి కోరికను నెరవేర్చడంలో దళపతికి జైలర్ సాయం చేస్తాడు. అతడి కూతురు విజీతో (Mamitha Baiju) దళపతికి అనుబంధం ఏర్పడుతుంది. జైలర్ చనిపోవడంతో విజీ బాగోగులు దళపతి చేపడతాడు. ఆమెను ఆర్మీలో జాయిన్ చేయాలని అనుకుంటాడు. కానీ విజీ ఫియర్ ఫోబియాతో పాటు మరికొన్ని మానసిక సమస్యలతో బాధపడుతుంది. దాంతో ఆర్మీలో జాయిన్ కావడానికి ఇష్టపడదు.
తమిళనాడు రాజకీయ నాయకుడు రోజా రంగసామితో కలిసి జాన్ హిమ్మర్ అనే గ్యాంగ్స్టర్ మతకల్లోలాలకు ప్లాన్ చేస్తాడు. వారి కుట్రలను దళపతి ఎలా తిప్పికొట్టాడు? అసలు విజ్జీని చంపాలని హిమ్మర్ మనుషులు ఎందుకు అనుకున్నారు? నిజాయితీపరుడైన ఐపీఎస్ ఆఫీసర్ అయిన ఆమ్రిష్…అవినీతి పరుడిగా ఎందుకు మారాడు? దళపతికి వ్యతిరేకంగా అతడి తల్లి ఎందుకు తప్పుడు సాక్ష్యం చేసింది? దేశాన్ని కాపాడటంతో దళపతికి కయల్ ( పూజా హెగ్డే) ఎలా అండగా నిలిచింది? దళపతి మంచితనాన్ని విజీ అర్థం చేసుకుందా? ఆమెలోని భయాలు తొలగిపోయాయా? అన్నదే జననాయకుడు మిగతా కథ.
నటీనటుల పనితీరు: జననాయగన్కు (Jana Nayakudu) విజయ్ వన్ మెన్ షోగా నిలిచాడు. అతడి ఇమేజ్, స్టార్డమ్ను బేస్ చేసుకొని ప్రతి సీన్ను డిజైన్ చేసుకున్నారు డైరెక్టర్. యాక్షన్ సీన్లలో విజయ్ ఎలివేషన్లు, పొలిటికల్ డైలాగ్స్ ఫ్యాన్స్కు విజువల్ ట్రీట్లా ఉంటాయి. మమితా బైజుతో అతడి కాంబినేషన్లోని ఎమోషనల్ సీన్లు బాగున్నాయి. పూజా హెగ్డే పాత్రకు ఏ మాత్రం ఇంపార్టెన్స్ లేదు. హీరోయిన్లా కాకుండా క్యారెక్టర్ ఆర్టిస్ట్లా ఆమెను చూపించారు. మమితా బైజు నటన ఒకే. చివరలో యాక్షన్ సీక్వెన్స్లో అదరగొట్టింది.
విలన్గా బాడీ డియోల్ సీన్లు కొన్ని చోట్ల అతిగా అనిపిస్తాయి. మితిమీరిన హింస ఇబ్బంది పెడుతుంది. ప్రకాష్ రాజ్కు తెలుగులో మరొకరితో డబ్బింగ్ చెప్పించారు. ఇలాంటి విలన్ క్యారెక్టర్లు కెరీర్లో ప్రకాష్ రాజ్ చాలానే చేశారు. నెగెటివ్ షేడ్స్తో కూడిన పోలీస్ ఆఫీసర్గా సునీల్ కనిపించారు. గౌతమ్ మీనన్, నాజర్, నరేన్తో పాటు చాలా మందే సీనియర్ యాక్టర్లు ఉన్నా విజయ్కి ఎలివేషన్లు ఇవ్వడం తప్ప వారు చేసింది ఏం లేదు. చివరలో డైరెక్టర్లు అట్లీ, లోకేష్ కనగరాజ్, నెల్సన్ గెస్ట్లుగా మెరిశారు. అనిరుధ్, శేఖర్ మాస్టర్ కూడా అతిథులుగా కనిపిస్తారు.
సాంకేతిక వర్గం పనితీరు: భగవంత్ కేసరి మూలకథను తీసుకొని తనదైన స్టైల్లో చాలానే మార్పులు చేర్పులు చేసి ఈ సినిమాను తెరకెక్కించారు దర్శకుడు హెచ్ వినోథ్. ఆ మార్పులు అంత ఎఫెక్టివ్గా లేవు. ఫోర్స్డ్ ఎమోషన్స్, అనవసరపు యాక్షన్ సన్నివేశాలతో చాలా వరకు సినిమాను సాగదీశారు. విజయ్ పొలిటికల్ ఇమేజ్ను కూడా క్యారీ చేయాలనే ప్రయత్నంలో కొన్ని సార్లు సినిమా సైడ్ ట్రాక్లోకి వెళ్లిపోయింది. అనిరుధ్ మ్యూజిక్ ఈ సినిమాకు బిగ్గెస్ట్ మైనస్గా మారింది. పాటలు ఒక్కటి కూడా వినాలపించేలా లేవు. బీజీఎమ్కు కథకు అస్సలు సింక్ కుదరలేదు. ఎడిటర్ తన కత్తెరకు పనిచెప్పాల్సిన సీన్లు సినిమాలో బోలెడు కనిపిస్తాయి. సినిమాటోగ్రఫీ ఒకే. సినిమా కోసం నిర్మాతలు భారీగానే ఖర్చు చేశారు. అందులో చాలా వరకు వేస్టేజ్ ఎక్కువగా కనిపిస్తుంది. బాబీడియోల్ ఇంట్రడక్షన్ సీన్, షిప్ ఫైట్ అందుకు ఎగ్జాంపుల్.
విశ్లేషణ: బాలకృష్ణ హీరోగా నటించిన తెలుగు మూవీ భగవంత్ కేసరి ఆధారంగా జననాయగన్ మూవీ రూపొందింది. తెలుగు వెర్షన్ లిమిటెడ్ బడ్జెట్లో ఎమోషనల్ డ్రామాగా రూపొందితే…తమిళ వెర్షన్ను మాత్రం భారీ బడ్జెట్తో యాక్షన్ సినిమాలా మార్చేశారు. భగవంత్ కేసరిలోని బాలకృష్ణ, శ్రీలీల ట్రాక్ను జననాయగన్లో ఫ్రేమ్ టూ ఫ్రేమ్ దించేశారు. విజయ్, మమితా బైజు సన్నవేశాలన్నీ భగవంత్ కేసరిని మరోసారి చూస్తున్న ఫీలింగ్ను కలిగిస్తాయి. విలన్ ట్రాక్ను మాత్రం పూర్తిగా కొత్తగా రాసుకున్నారు.ఆ సన్నివేశాలకు విజయ్ రాజకీయ భావజాలాన్ని జోడించారు.
సినిమాలో విజయ్ పాత్ర పేరు.. ఆయన పొలిటిక్ పార్టీ టీవీకేను సూచిస్తుంది. సందు దొరికిన ప్రతిసారి తమిళనాడులోని ప్రతి పక్ష పార్టీలపై సెటైర్లు వేస్తూనే వెళ్లారు విజయ్. రెండు పార్టీలు కలిపి ఏళ్లకు ఏళ్లు ప్రజలను దోచుకున్నాయని, వారిని ఎదురించే ఓ శక్తి రావాలంటూ విజయ్ రాజకీయ అరంగేట్రాన్ని సూచించే డైలాగ్స్ చాలానే సినిమాలో ఉన్నాయి. అవన్నీ తమిళనాడు ఫ్యాన్స్కు బాగానే కనెక్ట్ అవుతాయి. కానీ తెలుగు ఆడియెన్స్ మాత్రం వాటిలో సింక్ కావడం కష్టమే.
విలన్ ట్రాక్ను అయినా కొత్తగా రాసుకున్నారా అంటే అదీ లేదు. మతకల్లోలాలు, రిమోట్ గన్స్తో దేశంలో కుట్రలు అంటూ హడావిడి చేశారు. ఆ ట్రాక్ మొత్తం సిల్లీగా అనిపిస్తుంది. విలన్ ఫ్లాష్బ్యాక్ సరిగ్గా లేదు. చిన్న అవమానానికే అతడు ఏకంగా ప్రపంచాన్ని గడగడలాడించే టెర్రరిస్ట్గా మారిపోవడం కన్వీన్సింగ్గా అనిపించదు. క్లైమాక్స్ రోబోలో ఫైట్ కూడా ఆకట్టుకోదు.
సినిమాకు బిగ్గెస్ట్ మైనస్ లెంగ్త్. మూడు గంటల మూడు నిమిషాల రన్టైమ్ను భరించడం కష్టమే. తెలుగు ఆడియెన్స్ కోసం సినిమాను ట్రిమ్ చేస్తే బాగుండేది.
భగవంత్ కేసరి చూసిన వాళ్లను జననాయకుడు మెప్పించడం కష్టమే. ఒరిజినల్ చూడని వాళ్లను కొంత వరకు ఆకట్టుకుంటుంది.
ఫోకస్ పాయింట్: దళపతి విజయ్ వీరతాండవాన్ని భరించడం కష్టమే.
రేటింగ్: 2/5
