కొరటాల శివ దర్శకత్వంలో యంగ్ టైగర్ ఎన్టీఆర్ నటిస్తున్న తాజా చిత్రం ‘జనతా గ్యారేజ్’. ప్రస్తుతం షూటింగ్ దశలో ఉన్న ఈ చిత్రానికి సంబంధించిన ఫస్ట్ లుక్ పోస్టర్ల ను ఇటీవలే విడుదల చేశారు. ఈ పోస్టర్ల కు ప్రేక్షకుల నుంచి అమితమైన ఆదరణ లభించింది. తాజా సమాచారం ప్రకారం ఈ చిత్రం మే 27 నుంచి చెన్నై లో చిత్రీకరణ జరుపుకోనుంది. ఈ షెడ్యూల్ జూన్ 2 వరకు జరగనుంది. ఈ షెడ్యూల్ లో ఎన్టీఆర్ పాల్గొంటుండగా.. పలు యాక్షన్ సీక్వెన్స్ ను అక్కడ చిత్రీకరించనున్నారు. ఆ తరువాత ఈ చిత్ర బృందం హైదరాబాద్ చేరుకోనుండగా..
\జూన్ 6 నుంచి అన్నపూర్ణ స్టూడియోస్ లో ఓ పాటను చిత్రీకరించనున్నారు. ఇందుకోసం మూడు భారీ సెట్లు కూడా వేసినట్లు సమాచారం. జూన్ నెలాఖరు కు ఈ చిత్ర టాకీ పార్ట్ పూర్తి చేయాలని లక్ష్యంగా పెట్టుకున్నట్లు ఫిలిం నగర్ టాక్. మైత్రి మూవీ మేకర్స్ పతాకం పై నిర్మిస్తున్న ఈ చిత్రంలో ఎన్టీఆర్ సరసన సమంత, కాజల్ జంటగా నటిస్తుండగా.. మోహన్ లాల్, ఉన్ని ముకుందన్ లు ప్రధాన పాత్ర పోషిస్తున్నారు ఈ చిత్రం ఆగష్టు 12 న ప్రేక్షకుల ముందుకు వచ్చే అవకాశం ఉంది.
