దొస్తానా సీక్వెల్ లో జాన్వి కపూర్ హీరోయిన్ కానీ..

శ్రీదేవి కుమార్తె జాన్వి కపూర్ సినిమాల సెలక్షన్ విషయంలో చూపుతున్న వైవిధ్యం బాలీవుడ్ ను విశేషంగా ఆకర్షిస్తోంది. “దడక్” సినిమా కమర్షియల్ గా సరిగా ఆడకపోయినా.. జాన్వికీ నటిగా మాత్రం మంచి పేరు తీసుకొచ్చింది. దాంతో సెకండ్ సినిమాగా లేడీ పైలెట్ జీవితం ఆధారంగా తెరకెక్కుతున్న “గుంజన్ సక్సేనా” బయోపిక్ తోపాటు “రూహి ఆఫ్జా” అనే హారర్ కామెడీ సినిమా చేస్తోంది. ఈ రెండు సినిమాల అనంతరం తన నాలుగో సినిమాను సైన్ చేసింది జాన్వి కపూర్.

2008లో విడుదలై సంచలన విజయం సొంతం చేసుకొన్న “దోస్తానా”కు సీక్వెల్ గా 11 ఏళ్ల తర్వాత తెరకెక్కుతున్న “దోస్తానా 2″లో కథానాయికగా జాన్వి కపూర్ నటిస్తోంది. దోస్తానా సినిమాలో అభిషేక్ బచ్చన్ & జాన్ అబ్రహం గేలుగా కేవలం నాటకం ఆడతారు. కానీ ఈ సీక్వెల్లో కార్తీక్ ఆర్యన్ & లక్ష్య నిజమైన గేలుగా కనిపించనున్నారు. ఈ సినిమా గే లవ్ స్టోరీ. దాంతో జాన్వి ఈ గే లవ్ స్టోరీలో హీరోయిన్ గా నటిస్తుండడం చర్చనీయాంశం అయ్యింది. ఇద్దరు మగాళ్ల ప్రేమకథలో.. జాన్వి కపూర్ ను హీరోయిన్ గా ఎలా పేర్కొంటారు? సినిమాలో ఆమె పాత్రకు ఎంతవరకు ప్రాధాన్యత ఉంటుంది అనేది చూడాలి.

విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!