టాలీవుడ్ ఇండస్ట్రీలో జాన్వీ కపూర్ (Janhvi Kapoor) ఎంట్రీ గురించి గత కొన్నేళ్ల నుంచి ప్రచారం జరగగా దేవర (Devara) సినిమాతో జాన్వీ కపూర్ టాలీవుడ్ ఇండస్ట్రీలోకి ఎంట్రీ ఇచ్చారు. ఈ సినిమా విడుదల కావడానికి రెండు నెలల సమయం ఉండగా జాన్వీ కపూర్ కు ఊహించని స్థాయిలో క్రేజ్ పెరిగిన సంగతి తెలిసిందే. అయితే జాన్వీ కపూర్ దేవర సినిమాకు ఎంత రెమ్యునరేషన్ తీసుకున్నారో క్లారిటీ లేదు కానీ కొత్త ప్రాజెక్ట్స్ కు సంబంధించిన రెమ్యునరేషన్ వివరాలు మాత్రం లీకయ్యాయి.
జాన్వీ కపూర్ డిమాండ్ చేస్తున్న మొత్తం 8 కోట్ల రూపాయలు కాగా చరణ్ (Ram Charan) బుచ్చిబాబు (Buchi Babu Sana) సినిమాకు మాత్రం మూడున్నర కోట్లు తీసుకున్నారని సమాచారం. నాని (Nani) సినిమాకు 4 కోట్ల రూపాయలకు అటూఇటుగా జాన్వీ కపూర్ పారితోషికం తీసుకున్నారని ఇండస్ట్రీ వర్గాల్లో వినిపిస్తోంది. ప్రస్తుతం నటిస్తున్న సినిమాలు సక్సెస్ సాధిస్తే జాన్వీ డిమాండ్ చేసిన మొత్తం నిర్మాతలు ఇవ్వాల్సిందేనని చెప్పవచ్చు.
హీరో, బ్యానర్ ను బట్టి జాన్వీ కపూర్ రెమ్యునరేషన్ విషయంలో ఆచితూచి అడుగులు వేస్తున్నట్టు సమాచారం అందుతోంది. జాన్వీ కపూర్ స్టాఫ్, ఖర్చులకు అదనంగా మరో కోటి రూపాయలు ఖర్చు ఖర్చు అవుతుందని తెలుస్తోంది. జాన్వీ కపూర్ సినిమాలతో సక్సెస్ సాధిస్తే మరిన్ని క్రేజీ ప్రాజెక్ట్ లలో ఆమెకు ఆఫర్లు వచ్చే అవకాశం అయితే ఉంటుందని చెప్పవచ్చు.
జాన్వీ కపూర్ బ్యాక్ టు బ్యాక్ విజయాలతో బాక్సాఫీస్ ను షేక్ చేయడంతో పాటు ఇండస్ట్రీలో తన మార్క్ తో సత్తా చాటుతారేమో చూడాలి. బాలీవుడ్ ఇండస్ట్రీలో స్టార్ స్టేటస్ ను అందుకోవడంలో ఫెయిలైన ఈ బ్యూటీ టాలీవుడ్ ఇండస్ట్రీలో మాత్రం ఆ తప్పులు రిపీట్ కాకుండా జాగ్రత్త పడుతున్నారు. తారక్ సినిమాలతో ఇండస్ట్రీలోకి వచ్చిన ఎంతోమంది సక్సెస్ సాధించగా జాన్వీ విషయంలో సైతం అదే జరుగుతుందేమో చూడాల్సి ఉంది.
