విజయ్ దేవరకొండ సరసన ఛాన్స్ కొట్టేసిన జాన్వికపూర్

విజయ్ దేవరకొండకి టాలీవుడ్ లో కానీ.. తెలుగు రాష్ట్రాల్లో ఉన్న యువతలో ఉన్న క్రేజ్ గురించి ఎంత చెప్పుకున్నా తక్కువే.. ముఖ్యంగా అమ్మాయిల్లో మనోడికి ఉన్న ఫాలోయింగ్ వేరు. అందుకే.. అతని సినిమాలు యావరేజ్ గా ఉన్నా సూపర్ హిట్ అయిపోతుంటాయి. మొన్నామధ్య “కాఫీ విత్ కరణ్” షోలో పాల్గొన్న శ్రీదేవి కుమార్తె జాన్వి కపూర్ ను “నువ్వు ఎవరిలా నిద్ర లేవాలి అనుకుంటున్నావ్” అని కరణ్ జోహార్ అడిగిన ప్రశ్నకు.. పెద్దగా ఆలోచించకుండా “విజయ్ దేవరకొండలా నిద్ర లేవాలి అనుకుంటున్నా.. లేచి వచ్చి నేను హీరోయిన్ గా ఒక సినిమా చేయాలి” అని సమాధానమిచ్చింది జాన్వి కపూర్. దాంతో అప్పటివరకూ విజయ్ దేవరకొండ క్రేజ్ కేవలం తెలుగు రాష్ట్రాల్లో మాత్రమే ఉందనుకొంటున్న వాళ్ళందరూ షాక్ కు గురైతే… విజయ్ రౌడీ ఫ్యాన్స్ మాత్రం “అన్నది బాలీవుడ్ రేంజ్” రా అంటూ ఆన్ లైన్ లో హల్ చల్ చేశారు. ఇప్పుడు జాన్వి కపూర్ కోరిక నెరవేరేట్టుంది.

విజయ్ దేవరకొండ హీరోగా పూరీ జగన్నాధ్ దర్శకత్వంలో తెరకెక్కనున్న తాజా చిత్రం రెగ్యులర్ షూటింగ్ జనవరి నుంచి మొదలవ్వనుండగా.. ఈ చిత్రంలో హీరోయిన్ గా జాన్వికపూర్ ను తీసుకొనే అవకాశాలున్నాయని తెలుస్తోంది. ఎవరైనా బాలీవుడ్ హీరోయిన్ ను తీసుకొంటే బెటర్ అని ఆలోచిస్తుండగా.. కరణ్ జోహార్ మన జాన్వికపూర్ పేరును సజెస్ట్ చేశాడట. నవంబర్ కల్లా క్రాంతి మాధవ్ సినిమా పూర్తి చేసి.. డిసెంబర్ నుంచి పూరీ సినిమాకి ప్రిపరేషన్ మొదలెడతాడు విజయ్. మరి ఈ కాంబినేషన్ ఎంతవరకు నిజమవుతుందో చూడాలి.