కొత్త దర్శకులకు అవకాశలివ్వడమే కాదు… కొత్త అమ్మాయిల్ని నాయికలుగా ఎంచుకొని తన సినిమాలకు ఫ్రెష్‌ ఫీల్‌ ఇస్తుంటాడు మాస్‌మహారాజ్‌ రవితేజ. తాజాగా అతని చూపు ‘చిట్టి’ మీద పడిందట. ‘జాతిరత్నాలు’ సినిమాతో తెలుగు తెరకు పరిచయమైన ఈ కొత్త అందం ఇప్పుడు టాక్‌ ఆఫ్‌ ది టీటౌన్‌. ఆ పొడవేంటి రా బాబూ అని కొందరు, అమాయక చూపులతో సూపర్‌ ఉందిరా అంటూ ఇంకొందరు ఫరియా అబ్దుల్లాను తెగ పొగిడేస్తున్నారు.
ఈ క్రమంలోనే రవితేజ సినిమాలో ఛాన్స్‌ అని వార్తలొస్తున్నాయి. ‘జాతిరత్నాలు’ సినిమా విడుదల కాకముందే ఫరియా అబ్దుల్లాకు రవితేజ్‌ టీమ్ నుండి ఫోన్‌ వచ్చిందట. రవితేజ తర్వాతి సినిమాలో నటించేందుకు సిద్ధమేనా అనేది ఫోన్‌ కాల్‌ సారాంశం. అయితే అది ఏ సినిమా అనేది తెలియడం లేదు. ప్రస్తుతం రవితేజ ‘ఖిలాడీ’ చేస్తున్నాడు. ఈ సినిమా చిత్రీకరణ చివరిదశకొచ్చింది. కాబట్టి అందులో కాకపోవచ్చు. మరి తర్వాతి సినిమా కోసం అడిగారేమో చూడాలి.
‘ఖిలాడీ’ తర్వాత రవితేజ త్రినాథరావు నక్కిన దర్శకత్వంలో సినిమా చేయనున్నాడనే విషయం తెలిసిందే. అయితే ఆ సినిమా కోసమే ‘చిట్టి’ ఫరియాను సంప్రదించి ఉంటారు. ఈ సినిమాలో ఇద్దరు నాయికలకు ఛాన్స్‌ ఉందని గతంలో వార్తలు వచ్చాయి. ఐశ్వర్య మేనన్‌, శ్రీలీలను ఆ పాత్రల కోసం ఎంపిక చేశారనే వార్తలు కూడా వచ్చాయి. అందులో ఒకరి బదులు ఫరియాను ఎంచుకున్నారేమో మరి.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
Home