Jayam Ravi : జయం రవికి అసలు పెళ్లే కాలేదా..? ఇదెక్కడి ట్విస్ట్ !

కోలీవుడ్‌లో తనదైన నటనతో గుర్తింపు తెచ్చుకున్న జయం రవి. ఇటీవల వ్యక్తిగత జీవితానికి సంబంధించిన అంశాలతో వార్తల్లో నిలుస్తున్నారు. ‘జయం’ సినిమా తర్వాత ఆ పేరే తన గుర్తింపుగా మారిన ఆయన, తమిళంతో పాటు తెలుగులోనూ మంచి క్రేజ్ సంపాదించారు.

Jayam Ravi

ఇప్పటివరకు కెరీర్ పరంగా స్థిరంగా ఉన్న ఆయన జీవితంలో, వ్యక్తిగతంగా కొన్ని పరిణామాలు చోటుచేసుకోవడం అభిమానులను ఆశ్చర్యానికి గురిచేస్తోంది. ముఖ్యంగా ఆయన భార్య ఆర్తి రవితో వచ్చిన విభేదాలు, విడాకుల చర్చలు పెద్ద ఎత్తున చర్చకు దారితీశాయి. కుటుంబం, పిల్లలు ఉన్నప్పటికీ ఇటువంటి సమస్యల్లో పడటం అభిమానులకు కొంచెం షాక్ ఇచ్చింది. ఈ నేపథ్యంలో, సింగర్ కేనీషాతో ఆయన సన్నిహితంగా కనిపించడం మరింత ఆసక్తిని రేకెత్తించింది. ఇద్దరూ కలిసి పలు సందర్భాల్లో కనిపించడం, సోషల్ మీడియాలో ఫోటోలు వైరల్ కావడం వల్ల రూమర్లు మరింత పెరిగాయి.

అయితే తాజాగా వెలుగులోకి వచ్చిన అంశం మరింత సంచలనంగా మారింది. గోవాలో ఒక ప్రాపర్టీ రిజిస్ట్రేషన్ సమయంలో జయం రవి తనను “అవివాహితుడు”గా నమోదు చేసుకున్నారనే వార్తలు వినిపిస్తున్నాయి. ఇదే సమయంలో ఆయన విడాకుల ప్రక్రియ ఇంకా చట్టపరంగా కొనసాగుతున్న నేపథ్యంలో, ఈ అంశం పై న్యాయపరమైన చర్చలు కూడా మొదలయ్యాయి.

సోషల్ మీడియాలో ఈ విషయం హాట్ టాపిక్‌గా మారింది. “ఇది ఎలా సాధ్యం?” అని నెటిజన్స్ ప్రశ్నిస్తుండగా, మరికొందరు పూర్తి నిజాలు బయటకు రావాలని కోరుకుంటున్నారు. మొత్తానికి, జయం రవి వ్యక్తిగత జీవితం చుట్టూ తిరుగుతున్న ఈ వివాదం ఎటు దారి తీస్తుందో చూడాలి.

Ustaad Bhagat Singh Collections: ‘ఉస్తాద్ భగత్ సింగ్’ .. ఇంకా 50 శాతం రికవరీ కూడా సాధించలేదు