Anchor Suma: సమ్మర్ లో సుమ పంచాయితీ!

March 14, 2022 / 04:31 PM ISTByFilmy Focus

Join Us

మార్చి, ఏప్రిల్ అలాగే మే నెలల్లో వచ్చే సినిమాలతో సినీ ప్రియులు తగినంత ఆనందాన్ని పొందుతారని చెప్పవచ్చు. వేసవిలో విడుదలయ్యే చిత్రాల జాబితాలో తాజాగా టాప్ మోస్ట్ యాంకర్ సుమ కనకాల కూడా చేరింది. ఆమె నటించిన మొదటి లీడ్ రోల్ మూవీ విలేజ్ డ్రామా చిత్రం జయమ్మ పంచాయితీ సమ్మర్ లో విడుదల కానుంది. అందుకు సంబంధించిన అఫీషియల్ డేట్ పై కూడా క్లారిటీ ఇచ్చేశారు. సినిమా కోసం ఒక ఫన్నీ వీడియో విడుదల చేశారు.

Click Here To Watch Now

ఒక వ్యక్తితో చర్చలలో ఉన్న సుమ రాబోయే రెండు నెలల్లో వేర్వేరు తేదీల గురించి చర్చిస్తుంది. కానీ ఆ స్లాట్లు RRR, KGF 2, ఆచార్యకి కేటాయించబడ్డాయి. కాబట్టి, ఆమె ఏప్రిల్ 22 తేదీని లాక్ చేసింది. కాబట్టి జయమ్మ పంచాయతీ ఏప్రిల్ 22న థియేటర్లలోకి రానుంది. వెన్నెల క్రియేషన్స్ బ్యానర్‌పై తెరకెక్కుతున్న ఈ సినిమాకు విజయ్ కుమార్ కలివరపు దర్శకత్వం వహించారు. ఈ సినిమా టీజర్, మొదటి రెండు పాటలకు మంచి స్పందన వచ్చింది.

ఇక రాబోయే రోజుల్లో సినిమాపై మరింత హై క్రియేట్ అయ్యే విధంగా భారీ స్థాయిలో ప్రమోషన్స్ కూడా చేయాలని అనుకుంటున్నారు. ఇప్పటివరకు సుమ ఈ తరహా ఫుల్ లెన్త్ రోల్ అయితే చేయలేదు. మొదట ఆమె కెరీర్ నటిగానే స్టార్ట్ అయినప్పటికీ అనుకోకుండా టెలివిజన్ వరల్డ్ లో యాంకర్ గా అడుగు పెట్టింది. ఆమె ఎలాంటి షో చేసినా కూడా రేటింగ్స్ అందుకోవడంలో రికార్డులు సృష్టిస్తుంది. అంతే కాకుండా సుమ ఆల్మోస్ట్ బడా ప్రీ రిలీజ్ ఈవెంట్స్ లలో కూడా యాంకర్ గా కొనసాగుతూనే వుంటుంది.

సుమ ఉంటే ఎలాంటి టెన్షన్ ఉండదని చిత్ర యూనిట్ సభ్యులు ఆమెకే ఎక్కువగా ఆఫర్స్ ఇస్తుంటారు. ఇక జయమ్మ పంచాయితీ సినిమాతో సుమ బాక్సాఫీస్ వద్ద ఎంతవరకు ఆకట్టుకుంటుందో చూడాలి. ఈ సినిమాలో పలువురు ప్రముఖు నటీనటులు కూడా ప్రత్యేకమైన పాత్రల్లో కనిపించబోతున్నారు.