శ్రీదేవి విషయంలోనే వర్మకు నాకు గొడవ : జేడీ చక్రవర్తి

కెరీర్ ప్రారంభంలో విలన్ గా నటించి తరువాత ‘గులాబీ’ ‘బొంబాయి ప్రియుడు’ ‘ప్రేమకువేళాయరా’ వంటి చిత్రాల్లో హీరోగా నటించాడు జేడీ చక్రవర్తి. యువ హీరోల పోటీ ఎక్కువ అవ్వడంతో తరువాత హీరోగా అవకాశాలు తగ్గినప్పటికీ.. ‘హోమం’ ‘సిద్ధం’ వంటి చిత్రాలతో డైరెక్టర్ అవతారమెత్తాడు. ఇప్పుడు మళ్ళీ క్యారెక్టర్ ఆర్టిస్ట్ గా బిజీ అవ్వడానికి ట్రై చేస్తున్నాడు. ‘దుబాయ్ శీను’ ‘జోష్’ ‘నక్షత్రం’ ఇప్పుడు ‘హిప్పీ’ వంటి చిత్రాలతో మళ్ళీ టాలీవుడ్లో బిజీగా మారడానికి తెగ ప్రయత్నిస్తున్నాడు. ఇక తాజాగా ‘హిప్పీ’ సినిమా ప్రమోషన్లలో భాగంగా.. ‘శ్రీదేవిని పెళ్ళి చేసుకోమని ఆమె తల్లి.. తనని అడిగిందని’ ఆసక్తికరమైన కామెంట్స్ చేసాడు.

• కైలాసపురం వెబ్ సిరీస్ రివ్యూ కోసం ఇక్కడ క్లిక్ చెయ్యండి
• కిల్లర్ సినిమా రివ్యూ కోసం ఇక్కడ క్లిక్ చెయ్యండి
• హిప్పీ సినిమా రివ్యూ కోసం ఇక్కడ క్లిక్ చెయ్యండి
• సెవెన్ సినిమా రివ్యూ కోసం ఇక్కడ క్లిక్ చెయ్యండి

జేడీ మాట్లాడుతూ.. “శ్రీదేవి చెల్లి మహేశ్వరితో ‘గులాబీ’ చిత్రంలో నటిస్తున్నప్పుడు మహేశ్వరి చెన్నైలోని శ్రీదేవి గారి ఇంట్లో ఉండేది. వాళ్ళ అమ్మగారు కూడా అక్కడే ఉండేవారు. ఒకరోజు నన్ను లంచ్ కోసం మహేశ్వరి ఆహ్వానించింది. శ్రీదేవి గారి ఇంటికి నేను వెళ్ళాను. వెళ్ళిన కొద్దిసేపటి తర్వాత శ్రీదేవి గారి తల్లి గారు నా దగ్గరకు వచ్చి నా కూతురును పెళ్ళి చేసుకోమంటూ  అడిగారు. అప్పుడు నేను షాక్ అయ్యాను. అప్పటికే శ్రీదేవి గారికి పెళ్ళయ్యింది. అయితే శ్రీదేవి తల్లి గారికి మెదడులో చిన్న ఆపరేషన్ జరగడంతో కొన్ని విషయాలు మర్చిపోవడంతో ఆమె కొన్ని విషయాలు పదే పదే మాట్లాడుతూ ఉంటుంది. ఇక ఇదే విషయాన్ని వర్మకు చెబితే హర్ట్ అయ్యాడు. ఆవిడ నన్నే అడిగి ఉండొచ్చు కదా అంటూ ఎటకారం చేసేవాడు. వర్మకు శ్రీదేవి గారు అంటే ఎంత అభిమానమో నాకు అంతే అభిమానం. ఆవిడ విషయంలోనే మా ఇద్దరికి అప్పుడప్పుడు గొడవలు అయ్యేవి. అంతకు మించి మా మద్య ఎలాంటి విభేదాలు ఎప్పుడూ రాలేదు” అంటూ చెప్పుకొచ్చాడు.