Sekhar Movie: శేఖర్ టీమ్ కు గుడ్ న్యూస్..తొలగిన అడ్డకుంకులు..!

May 23, 2022 / 10:29 PM ISTByFilmy Focus

Join Us

Sekhar Movie: శేఖర్ టీమ్ కు గుడ్ న్యూస్..తొలగిన అడ్డకుంకులు..!

సీనియర్ హీరో రాజశేఖర్ నటించిన లేటెస్ట్ మూవీ శేఖర్. మలయాళం సూపర్ హిట్ మూవీ జోసెఫ్ కు రీమేక్ గా తెరకెక్కిన ఈ మూవీని రాజశేఖర్ సతీమణి జీవిత దర్శకత్వం వహించారు. గత శుక్రవారం అంటే మే 20 న విడుదలైన ఈ మూవీ పర్వాలేదు అనిపించే టాక్ ను రాబట్టుకుంది. అయితే ఫైనాన్షియర్ పరంధామరెడ్డి కోర్టులో వేసిన కేసు కారణంగా 3 వ రోజు నుండీ సినిమా ప్రదర్శన నిలిచిపోయింది. ఆదివారం రోజున ఈ మూవీకి మంచి బుకింగ్స్ జరిగాయి.

ఇలాంటి సమయంలో సినిమాని అడ్డుకోవడం బయ్యర్స్ కు చాలా పెద్ద దెబ్బ అనే చెప్పాలి. అయితే ఈ వివాదంలో జీవితా రాజశేఖర్, శేఖర్ టీమ్ కు అనుకూలంగా తీర్పు రావడం వీళ్ళకి పెద్ద రిలీఫ్ ఇచ్చిందని చెప్పాలి. ‘శేఖర్’ సినిమా ప్రదర్శనను నిలిపివేయాలని మేము ఎప్పుడూ ఆంక్షలు జారీ చేయలేదు. కొంతమంది పనిగట్టుకుని ఉద్దేశపూర్వకంగా సినిమా ప్రదర్శనకు ఆటంకం కలిగించారు. అయితే, కోర్టు సినిమా ప్రదర్శనకు ఎటువంటి అభ్యంతరం తెలుపలేదు.

శేఖర్ సినిమాను నిరభ్యంతరంగా ప్రదర్శించుకోవచ్చు. ‘అంటూ న్యాయస్థానం తెలిపింది జీవితా రాజశేఖర్, నిర్మాత బీరం సుధాకర్ రెడ్డి తరపు న్యాయవాదులు మంగళవారం విలేకరుల సమావేశంలో కేసుకు సంబంధించిన పూర్తి వివరాలను వెల్లడించబోతున్నారు.