Jeevitha Rajasekhar: పెళ్లి చేసుకోకపోయినా నీతోనే ఉంటానంది!

April 6, 2023 / 04:33 PM ISTByFilmy Focus

Join Us

Jeevitha Rajasekhar: పెళ్లి చేసుకోకపోయినా నీతోనే ఉంటానంది!

తెలుగు సినిమా ఇండస్ట్రీలో నటీనటులుగా కొనసాగుతూ ప్రేమించుకుని పెళ్లి చేసుకున్నటువంటి వారు ఎంతోమంది ఉన్నారు. ఇలాంటి కోవకు చెందిన వారే నటి జీవిత రాజశేఖర్ దంపతులు.వీరిద్దరూ కలిసి సినిమాలలో నటించారు. ఇలా సినిమాలలో నటించే సమయంలోనే ప్రేమించుకొని పెద్దలను ఒప్పించి పెళ్లి చేసుకున్నట్లు మనకు తెలిసింది. అయితే తాజాగా జీవిత రాజశేఖర్ ఒక కార్యక్రమంలో పాల్గొని వీరి పరిచయం ప్రేమ పెళ్లి గురించి పలు విషయాలు తెలిపారు.

ఈ సందర్భంగా జీవిత రాజశేఖర్ వారి ప్రేమ గురించి మాట్లాడుతూ జీవిత హీరోయిన్ గా ఇండస్ట్రీలోకి వచ్చిన సమయంలో రాజశేఖర్ తో కలిసి ఓ సినిమాలో నటించాల్సి ఉండగా హీరోయిన్ ని మార్చమని రాజశేఖర్ చెప్పారట కట్ చేస్తే నిర్మాతలు హీరోనే మార్చేశారు అలా ఓ విచిత్ర సంఘటన ద్వారా వీరి పరిచయం మొదలైందని తెలిపారు.ఇక జీవిత నన్ను ప్రేమిస్తుందని తెలుసుకున్న తర్వాత మీరు నాపై చాలా ఆసక్తి చూపిస్తున్నారని తనని స్ట్రైట్ గా అడిగారని ఆయనలో తనకు ఆ విషయం నచ్చిందని జీవిత తెలిపారు.

ఎలాగైనా నన్ను పెళ్లి చేసుకోవాలన్న ఉద్దేశంతో జీవిత (Jeevitha Rajasekhar) తను బ్రిడ్జ్ పైనుంచి తోసి తిరిగి కాపాడి హాస్పిటల్ లో తనకు సేవ చేస్తూ తన కుటుంబ సభ్యుల నుంచి మంచి మార్కులు కొట్టేసి మా పెళ్ళికి ఒప్పుకునేలా చేసిందని రాజశేఖర్ తెలిపారు. అయితే అంతకుముందు తనకు వేరే అమ్మాయిని పెళ్లి చేసుకోవాలని అనుకున్నట్టు కూడా ఈ సందర్భంగా రాజశేఖర్ తెలిపారు. ఇక జీవిత మాట్లాడుతూ తనకు అప్పట్లో అంబాసిడర్ కారు ఉండేదని తాను పెళ్లి చేసుకోబోయే అమ్మాయిని తన కారులో తన పక్కన ముందర సీట్ లో కూర్చోబెట్టుకున్నారు, నన్ను వెనక కూర్చోమన్నారు.

ఆ క్షణం తనకు చాలా బాధేసింది అంటూ ఈ సందర్భంగా ఎమోషనల్ అయ్యారు. ఇక నేను వేరే అమ్మాయిని పెళ్లి చేసుకోబోతున్నానని తెలియగానే జీవిత నా వద్దకు వచ్చి మీరు నన్ను పెళ్లి చేసుకోకపోయినా పర్వాలేదు నేను మీతోనే ఉంటానని తెగేసి చెప్పడంలో తన ప్రేమ ఏంటో అర్థమైందని అందుకే పెద్దలను ఒప్పించి తనని పెళ్లి చేసుకున్నానని ఈ సందర్భంగా వీరి లవ్ స్టోరీ గురించి బయట పెట్టారు.