జీవితారాజశేఖర్ ఇటీవల ‘మూవీ ఆర్ట్స్ అసోసియేషన్(మా)’ లో విజయం సాధించి.. అటుతరువాత వైసిపి పార్టీ లో చేరిన సంగతి తెలిసిందే. ప్రస్తుతం వైసిపి పార్టీ తరుపున ప్రచారానికి దిగింది ఈ సినీ జంట. గతంలో వీరిద్దరూ చిరంజీవి,పవన్ కళ్యాణ్ ల పై వివాదాస్పద కామెంట్లు చేసి మెగా అభిమానుల ఆగ్రహానికి గురైన సంగతి తెలిసిందే. అయితే ఈమధ్య పీ.ఎస్.వి.గరుడవేగా సినిమా టైంలోనూ, అలాగే ‘మా’ ఎన్నికల సమయంలోనూ మెగా ఫ్యామిలీతో కలిసిపోయారని అందరూ భావించారు. అయితే ఇప్పుడు ‘జనసేన’ అధినేత పవర్ స్టార్ పవన్ కళ్యాణ్ పై విరుచుకుపడుతుండడం గమనార్హం.
ఎన్నికల ప్రచారంలో భాగంగా.. ‘పవన్ కళ్యాణ్ తన దగ్గర డబ్బు లేదని, సామాన్య స్థితికి వచ్చేశానని చెబుతున్నాడు. అయితే మూడేళ్ళ నుండీ అతనికి అంత డబ్బు ఎలా వస్తుంది. తన జీవితం, పార్టీ పారదర్శకంగా ఉంటుందని చెప్పుకునే పవన్ కు కోట్ల రూపాయల డబ్బు మాత్రం ఎక్కడ నుండి వస్తుందో చెబితే బాగుంటుంది. పవన్ సినిమాలు వదిలేసి, ఏదో చేయాలనుకుంటున్నారు.. కానీ ఇప్పటికీ దాని పై సరైన అవగాహన లేదు. ఆయన మేనిఫెస్టో పై ఇప్పటికీ క్లారిటీ లేదు మరీ ముఖ్యంగా ఆయనకు ఇంత డబ్బు ఎక్కడనుండి వస్తుందనే విషయం కూడా ప్రజలకు తెలియాలి కదా..! పవన్ నేనే ముఖ్యమంత్రిని అని చెప్పుకుంటున్నాడు, కేవలం 65 స్థానాల నుండి మాత్రమే పోటీ చేస్తే సీఎం ఎలా అవుతారు.? సినిమాకు ముప్పై కోట్లు తీసుకునే స్థాయిని వదిలి పవన్ ప్రజలకు సేవ చేస్తానని వచ్చారు.. అంతవరకు బాగానే ఉంది… కానీ ఆయన మాటిచ్చినట్లుగా ఒంటరిగానే నిలబడాలి కానీ రేపు మరో పార్టీతో కలిస్తే చాలా ఛండాలంగా ఉంటుంది” అంటూ విమర్శిస్తూ.. పవన్ ను ప్రశ్నిస్తున్నారు జీవితారాజశేఖర్.
Home