నటిగా, సీనియర్ హీరో రాజశేఖర్ భార్యగా జీవిత తెలుగు రాష్ట్రాల సినీ ప్రేక్షకులకు సుపరిచితమైన వ్యక్తి. సెప్టెంబర్ నెలలో జరగనున్న మూవీ ఆర్టిస్ట్ అసోసియేషన్ ఎన్నికల్లో అధ్యక్ష పదవి కోసం జీవిత పోటీ చేయనున్న సంగతి తెలిసిందే. నలుగురు ప్రముఖ సెలబ్రిటీలు ఎన్నికలలో పోటీ చేయనున్న నేపథ్యంలో ఎవరు గెలుస్తారా..? అనే చర్చ నెటిజన్ల మధ్య జోరుగా జరుగుతోంది. తాజాగా ప్రముఖ నటి జీవిత మీడియాతో మాట్లాడుతూ ఆసక్తికర విషయాలను వెల్లడించారు.
ఇప్పటికే ప్రకాష్ రాజ్ తన ప్యానల్ ను ప్రకటించగా జీవిత మాత్రం తాను ఎలాంటి ప్యానల్ ను తయారు చేయనని చెప్పారు. ఇగోల వల్లే ‘మా’ ఎన్నికలు రచ్చకు దారి తీసాయని ఆమె అభిప్రాయపడ్డారు. ఏకాభిప్రాయంతో చేస్తే పనులు జరుగుతాయని గతేడాది తాము ఎన్నికైన సమయంలో రాజశేఖర్ విషయంలో సమస్య ఏర్పడగా అందరూ కూర్చుని మాట్లాడుకుందామని ప్రతిపాదన చేయగా దానిపై ఏకాభిప్రాయం రాకపోవడంతో హర్ట్ అయ్యానని జీవిత పేర్కొన్నారు. ఆ బాధ తనకు ఇప్పటికీ ఉందని జీవిత వెల్లడించారు.
మోహన్ బాబు తనతో మాట్లాడారని హేమ, ప్రకాష్ రాజ్ మా అధ్యక్ష ఎన్నికల్లో పోటీ చేస్తున్నట్టు తనకు చెప్పలేదని ఆమె పేర్కొన్నారు. ప్రకాష్ రాజ్ గురించి కొందరు నాన్ లోకల్ అని కామెంట్లు చేయడంపై జీవిత స్పందిస్తూ ప్రకాష్ రాజ్ ను అలా అభివర్ణించటం తనకు నచ్చలేదని జీవిత చెప్పారు. మా పిల్లలు తమిళంలో నటించినంత మాత్రాన అక్కడ నాన్ లోకల్ అవుతారా..? అని ఆమె ప్రశ్నించారు.
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
