ముఖానికి మేకప్‌ వేసుకొని సోషల్‌ మీడియాలో వెలిగిపోయే తారలు ఒక్కోసారి మేకప్‌ లెస్‌ ఫేస్‌లు కూడా చూపిస్తుంటారు. కొంతమంది భయపెట్టేలా ఉంటే, ఇంకొంత మేకప్‌ లేకుండానే బాగున్నావ్‌ అనిపించేలా ఉంటారు. మన దగ్గర ఇటీవల కాలంలో హీరోయిన్ల మేకప్‌లెస్‌ లుక్‌లు ఎక్కువగా కనిపిస్తున్నాయి. అదంతా సోషల్‌ మీడియా పుణ్యమే. అయితే హాలీవుడ్‌ నాయికలు మేకప్‌ లేకుండా ఎలా ఉంటారు అనే ఆసక్తి అందరిలోనూ ఉంటుంది. అందుకే జెన్నిఫర్‌ లోపెజ్‌ మేకప్‌లెస్‌ లుక్‌ మీ కోసం… నిజానికి ఈ లుక్‌ ఇచ్చింది ఆమెనే.
అందగత్తెల్ని చాలామంది జెన్నిఫర్‌ లోపెజ్‌తో పోలుస్తారు. ఏకంగా ‘జెన్నిఫర్‌ లోపెజ్‌స్కెచ్‌ గీసినట్లుగా ఉందిరో..’ అంటూ పాటలే రాసేశారు మన రచయితలు. జెన్నిఫర్‌ లోపెజ్‌ అందం ఆ రేంజిలో ఉంటుంది మరి. పాప్‌ ప్రపంచంలో నేచురల్‌ బ్యూటీ, షైనింగ్‌ స్కిన్‌ ఆమెదే అని అంటుంటారు కూడా. ఆమె పాట, ఆట, నటన కంటే అందానికే ఫ్యాన్స్‌ ఎక్కువ అన్నా ఆశ్చర్యపోనక్కర్లేదు. అలాంటి అందగత్తె మేకప్‌ లేకుండా ఉంటే ఎలా ఉంటుందో చాలామందికి తెలియదు. ఆ అరుదైన అవకాశం అభిమానులకిచ్చింది జెన్నిఫర్‌.
‘న్యూ ఇయర్‌కు ముందు మీకో సర్‌ప్రైజ్‌. ఇదీ నా అసలు రూపం’ అంటూ మేకప్‌ లేని ఫొటోను షేర్‌ చేసింది. ‘జెలో మేకప్‌లెస్‌ పొటో చూసి కొంతమంది ఆశ్చర్యపోతే, ఇంకొందరైతే ఇలానే చాలా బాగుంది’ అంటూ కామెంట్లు చేస్తున్నారు. ఏదేమైనా జెన్నిఫర్‌కు చాలా ధైర్యం కదా. నిజమైన అందం మేకప్‌లో ఉండదు అని అందరూ అంటుంటారు కానీ… తన అందానికి కోట్లతో ఫ్యాన్స్‌ ఉన్నప్పుడు అసలు అందం ఇదీ అంటూ మేకప్‌ లెస్‌ ఫేస్‌ చూపించడం గ్రేటే కదా.
View this post on Instagram
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
