కొత్త ‘జెర్సీ’ రిలీజ్ డేట్ ఫిక్స్

January 17, 2021 / 08:49 PM ISTByFilmy Focus

Join Us

నేచురల్ స్టార్ నాని నటించిన జెర్సీ సినిమా 2019లో తెలుగు ప్రేక్షకులు ముందుకు వచ్చిన విషయం తెలిసిందే. మొదటిసారి నాని ఎవరు ఊహించని విధంగా క్రికెట్ బ్యాట్ పట్టి మంచి క్రేజ్ అందుకున్నాడు. ఆ సినిమా బాక్సాఫీస్ వద్ద పెద్దగా వసూళ్లను అందుకోలేదు గాని మంచి పాజిటివ్ టాక్ ను మాత్రం అందుకుంది. ఇలాంటి ఎమోషనల్ స్పోర్ట్స్ డ్రామా బాలీవుడ్ లో తప్పకుండా హిట్టవుతుందని మన తెలుగు నిర్మాతలే బాలీవుడ్ లో రీమేక్ చేశారు.

రీమేక్ లో షాహిద్ కపూర్ నటిస్తుండగా నిర్మాతకు అల్లు అరవింద్, దిల్ రాజు సంయుక్తంగా నిర్మిస్తున్నారు. హిందీ జెర్సీ సినిమాను కథ ఒరిజినల్ దర్శకుడు గౌతమ్ తిన్ననూరి హిందీలో కూడా డైరెక్ట్ చేస్తున్నాడు. సినిమా షూటింగ్ పనులు ఎప్పుడో పూర్తయ్యాయి. అయితే ప్రీ ప్రొడక్షన్ పనులకు మాత్రం చాలా సమయం పడుతుందట. ఇక సినిమా రిలీజ్ డేట్ పై ఇటీవల చిత్ర యూనిట్ ఒక నిర్ణయానికి వచ్చినట్లు సమాచారం.

లాక్ డౌన్ తరువాత బాలీవుడ్ లో విడుదల కావాల్సిన సినిమాలు చాలానే ఉన్నాయి. సమ్మర్ అనంతరం లేదా దసరా టైమ్ లో విడుదల చేయాలని అనుకున్నారు. కానీ వర్కౌట్ కాకపోవడంతో ఏకంగా దీపావళికి షిఫ్ట్ చేశారు. 2021 నవంబర్ 5న సినిమాను గ్రాండ్ గా విడుదల చేయాలని ఫిక్స్ అయినట్లు తెలుస్తోంది. ఈ సినిమాతో ఎలాగైనా బాలీవుడ్ లో కూడా సత్తా చాటాలని తెలుగు నిర్మాతలు భారీగా ఖర్చు చేసినట్లు తెలుస్తోంది. మరి సినిమా ఎంతవరకు క్లిక్కవుతుందో చూడాలి.