‘ఝాన్సీ లక్ష్మీబాయి’ ని వెండితెరపై ఆవిష్కరించనున్న క్రిష్

మరుగున పడిన చరిత్రను వెలికి తీసి “గౌతమి పుత్ర శాతకర్ణి” అనే చిత్రాన్ని క్రిష్ మనకి అందించారు. తెలుగు రారాజు శాతకర్ణి కీర్తిని ప్రపంచానికి చాటారు. ఇప్పుడు ఆయన చేతిలో వీరనారి జీవితం సినిమాగా రూపుదాల్చొకోనుంది. క్వీన్ వంటి డిఫెరెంట్ కథలతో హిట్ అందుకున్న బాలీవుడ్ స్టార్ హీరోయిన్ కంగనా రనౌత్  ‘ఝాన్సీ లక్ష్మీబాయి’ గా నటించాలని కలలు కంటోంది. అందుకోసమే బాహుబలి రచయిత  విజయేంద్ర ప్రసాద్ తో ‘ఝాన్సీ లక్ష్మీబాయి’ జీవితాన్ని స్క్రిప్ట్ రూపంలో రాయిస్తోంది. ఈ పని దాదాపు పూర్తికావచ్చింది. ఈ మూవీని స్వయంగా నిర్మించడానికి ప్రయత్నిస్తోంది.

ఈ కథను అద్భుతంగా తెరకెక్కించగల మంచి డైరక్టర్ ఎవరున్నారని ఆమె ఆరా తీయగా విజయేంద్ర ప్రసాద్.. క్రిష్ పేరును ప్రస్తావించారని తెలిసింది. దీంతో క్రిష్ దర్శకత్వం వహించిన ‘గౌతమీ పుత్ర శాతకర్ణి’ని చూసిన ఆమె, అతనికే దర్శకత్వ బాధ్యతలు అప్పగించాలని భావిస్తోందని సమాచారం. విజయేంద్ర ప్రసాద్ కలం, కంగనా నటన, క్రిష్ దర్శకత్వ ప్రతిభ కలిస్తే ఆ సినిమా ఎలా ఉంటుందో ఊహించుకుంటేనే అదరహో అనిపిస్తోంది. ఆ ప్రాజక్ట్ త్వరలోనే కార్యరూపం దాల్చాలని ఫిల్మీ ఫోకస్ కోరుకుంటోంది.

Also, do SUBSCRIBE to our YouTube channel to get latest Tollywood updates.