ఒక్కసారి సెలబ్రిటీ అయ్యారంటే వాళ్ళకి పబ్లిక్ లైఫ్ శాశ్వతంగా దూరమైపోయినట్లే. అందుకే.. సెలబ్రిటీలందరూ నైట్ లైఫ్ అలవాటు చేసుకొని అర్ధరాత్రిళ్ళు ఎంజాయ్ చేస్తుంటారు. కొందరు సినిమాలు చేశాక సెలబ్రిటీలు అయితే.. ఇంకొందరు మాత్రం సెలబ్రిటీ వంశంలో పుట్టడం వల్ల సెలబ్రిటీలు అయిపోతుంటారు. అలా సినిమాల్లోకి రాకమునుపే సెలబ్రిటీ అయిపోయింది జాన్వికపూర్. శ్రీదేవి కూతురుగా ఆమెకు ఉన్న పాపులారిటీ గురించి కొత్తగా చెప్పాల్సిన అవసరం లేదు. మొదటి చిత్రం “ధడక్” తోనే స్టార్ హీరోయిన్ అయిపోయింది.
దాంతో అమ్మడు ఎక్కడికెళ్లినా పప్పరాజీలతో ఇబ్బందితప్పడం లేదట. దాంతో.. ఆఖరికి జిమ్ లో చేయాల్సిన వర్కవుట్స్ కూడా అర్ధరాత్రుళ్లు ఇంట్లోనే చేయాల్సిన పరిస్థితి ఏర్పడింది. జాన్వికపూర్ తదుపరి చిత్రం “తక్త్” సినిమా షూటింగ్ త్వరలో మొదలవ్వనుండడంతో.. జాన్వి & ఖుషీ కపూర్ ఇద్దరూ కలిసి వర్కవుట్ చేస్తున్న వీడియో ఇన్శ్టా గ్రామ్ లో పోస్ట్ చేయగా.. క్యూట్ గా ఉంది అంటూ నెటిజన్లు అందరూ కామెంట్ చేసి షేర్ చేయడం మొదలెట్టారు. ప్రస్తుతం సదరు వీడియో ట్రెండింగ్ లో ఉంది.
Home