Jigra: కలెక్షన్ల పంచాయితీ తేలలేదు.. స్క్రిప్ట్‌ పంచాయితీ మొదలైంది.. ఎందుకీ రచ్చ!

ప్రముఖ బాలీవుడ్‌ హీరోయిన్‌ అలియా భట్‌ (Alia Bhatt) ప్రధాన పాత్రలో నటించిన ‘జిగ్రా’ (Jigra) సినిమా దసరా సందర్భంగా విడుదలైన విషయం తెలిసిందే. సినిమా బాగుందని టీమ్‌ చెబుతున్నా, వసూళ్ల లెక్కలు చెబుతున్నా గ్రౌండ్‌ రియాలిటీ అలా లేదు అని కామెంట్లు వస్తున్నాయి. దీంతో మన దగ్గరలాగే అక్కడ కూడా అభిమానుల కోసం వసూళ్లు చెబుతున్నారా అనే జోకులు కూడా పేలుతున్నాయి. ఈ క్రమంలో మరో బాలీవుడ్‌ నాయిక చేసిన కొన్ని కామెంట్లు వైరల్‌గా మారాయి.

Jigra

దానికి ఆ సినిమా నిర్మాత ఇచ్చిన ఇన్‌డైరక్ట్‌ రియాక్షన్‌ కూడా వైరల్‌ అయింది. చూస్తుంటే ఇది ఇక్కడితో ఆగేలా లేదు. ఎందుకంటే మరోసారు కామెంట్ల హీట్‌ పెరుగుతోంది. తాజాగా దర్శకుడు వాసన్‌ బాల ఓ ఇంటర్వ్యూలో మాట్లాడుతూ స్క్రిప్ట్‌ విషయంలో కరణ్‌ తనపై అసహనం వ్యక్తం చేసినట్లు తెలిపారు. దీంతో ఆల్‌ ఈజ్‌ నాట్‌ వెల్‌ అని అంటున్నారు. తాను రఫ్‌గా రాసుకున్న స్క్రిప్ట్‌ను నిర్మాత కరణ్‌ జోహర్‌కు పంపానని, ఆయన దాన్ని చూడకుండా అలియాకు పంపించారని వాసన్‌ బాల చెప్పారు.

ఆ తర్వాత తాను కాల్‌ చేస్తే స్క్రిప్ట్‌ విషయంలో నాట్‌ హ్యాపీ అని అన్నారట. స్క్రిప్ట్‌ను ఇంకా పూర్తి చేయాల్సి ఉందని వాసన్‌ బాల.. కరణ్‌కు చెప్పాను. అయితే అలియా ఆ సగం స్క్రిప్ట్ చదివే సినిమాను ఓకే చేసింది అని వాసన్ బాల చెప్పారు. అయితే ఈ విషయంలో నెటిజన్ల వైఖరి గురించి కరణ్‌ మాట్లాడుతూ ఇంటర్వ్యూ మొత్తం చూడండి అని అంటున్నారు.

అక్కడ జరిగింది ఏంటి? ఎవరు ఏం చెప్పారు అనేది పక్కన పెడితే సినిమా ఫలితం, వసూళ్లు విషయంలో చర్చ జరుగుతున్న స్క్రిప్ట్‌ విషయంలో ఇలాంటి వ్యాఖ్యలు బయటకు రావడం సినిమాకు చేటు చేసేదే అని చెప్పాలి. సినిమా గురించి నిర్మాణ సంస్థ ఫేక్‌ కలెక్షన్స్‌ అనౌన్స్‌ చేస్తుందంటూ నటి దివ్య ఖోస్లా తీవ్ర వ్యాఖ్యలు చేసిన విషయం తెలిసిందే. కరణ్‌ ఆ విషయం గురించి అన్నారో, ఇంకెవరికైనా అన్నారో కానీ.. ‘‘మూర్ఖులకు మనం ఇచ్చే అత్యుత్తమ సమాధానం మౌనమే’’ అని ఇన్‌స్టాలో స్టోరీ పెట్టారు.