‘సలార్’లో బాలీవుడ్ స్టార్..?

బాహుబలి సిరీస్‌తో పాన్ ఇండియా స్టార్ ‌గా గుర్తింపు తెచ్చుకున్న యంగ్ రెబల్ స్టార్ ప్రభాస్ వరుస సినిమాలతో బిజీ అయ్యారు. ప్రస్తుతం ఆయన రాధాకృష్ణ దర్శకత్వంలో ‘రాధేశ్యామ్’ సినిమాలో నటిస్తున్నారు. ఈ సినిమా షూటింగ్ చివరి దశకు చేరుకోవడంతో నాగ్ అశ్విన్ సినిమా అలానే ‘ఆదిపురుష్’ సినిమాలను లైన్‌లో పెట్టేశారు. దీంతో పాటు ఇటీవలే ప్రశాంత్ నీల్ దర్శకత్వంలో మరో సినిమాను ఓకే చేశారు. ఈ సినిమాకు ‘సలార్’ అనే టైటిల్ కూడా ఫిక్స్ చేశారు.

ప్రభాస్ ని తప్ప ఇప్పటివరకు ఈ సినిమా కోసం ఇతర నటీనటులు ఎవరినీ ఫైనల్ చేయలేదు. అయితే ప్రభాస్ సరసన హీరోయిన్ గా దిశా పటానీ కనిపించబోతుందని వార్తలు వచ్చాయి. కానీ ఈ వార్తలపై చిత్రబృందం స్పందించలేదు. ఇప్పుడు ఈ సినిమాకి సంబంధించిన మరో వార్త చక్కర్లు కొడుతోంది. ఇందులో బాలీవుడ్ స్టార్ జాన్ అబ్రహంని విలన్ పాత్ర కోసం ఎంపిక చేసుకున్నారని సమాచారం. దాదాపు అన్ని మీడియా వర్గాల్లో ఈ వార్త సర్క్యులేట్ అవుతోంది.

ఇందులో నిజమెంతో తెలియదు కానీ ప్రభాస్ కి ధీటుగా జాన్ ఉంటాడని.. విలన్ పాత్రకి సూట్ అవుతాడనే కామెంట్స్ వినిపిస్తున్నాయి. ప్రస్తుతం జాన్ అబ్రహం వరుస ప్రాజెక్ట్ లతో బిజీగా గడుపుతున్నారు. ‘సత్యమేవ జయతే 2’, ‘పఠాన్’, ‘ఎటాక్’ వంటి సినిమాల్లో ప్రధాన పాత్రలు పోషిస్తున్నారు. అలానే ‘సర్దార్ అండ్ గ్రాండ్ సన్’లో క్యామియో రోల్ లో కనిపించనున్నారు.

Most Recommended Video

2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!