భరత్ అనే నేను చిత్ర యూనిట్ ని అభినందించిన ఎన్టీఆర్.!

కొరటాల శివ దర్శకత్వంలో సూపర్ స్టార్ మహేష్ బాబు చేసిన భరత్ అనే నేను సినిమా గత శుక్రవారం రిలీజ్ అయి బ్లాక్ బస్టర్ హిట్ టాక్ సొంతం చేసుకుంది. బాలీవుడ్ బ్యూటీ కైరా అద్వానీ హీరోయిన్ గా నటించిన ఈ మూవీ విడుదలయిన అన్ని థియేటర్లలో హౌస్ ఫుల్ కలక్షన్స్ రాబడుతోంది. ఫ్యాన్స్ తో పాటు సినీ సెలబ్రిటీల నుంచి అభినందనలు అందుకుంటోంది. రీసెంట్ గా ఈ సినిమాని చూసిన యంగ్ టైగర్ ఎన్టీఆర్ ప్రశంసలు గుప్పించారు. భరత్ అనే నేను బహిరంగ సభకు జూనియర్ ఎన్టీఆర్ గెస్ట్ గా వచ్చి చిత్ర బృందానికి ఆల్ ది బెస్ట్ చెప్పిన సంగతి తెలిసిందే.

ఇప్పుడు ట్విట్టర్ వేదికపై స్పందించారు. ” ముందుగా మంచి సినిమాని రూపొందించిన భరత్ అనే నేను యూనిట్ కి అభినందనలు. మంచి సోషల్ మెస్సేజ్ తో పాటు కమర్షియల్ హంగులను జోడించి ఒక సినిమాను తెరకెక్కించడం అంత తేలిక కాదు. దర్శకుడు కొరటాల శివ ఆ రెండు విషయాలను చాలా సమానంగా చూపించాడు. ముఖ్యమంత్రిగా మహేష్ బాబు నటన సూపర్.” అంటూ ట్వీట్ చేశారు. ఇప్పటికే వందకోట్ల గ్రాస్ సాధించిన ఈ మూవీ అతి త్వరలో 150 కోట్ల క్లబ్ లో చేరనుంది. ఓవర్సీస్ లోను ఈ చిత్రం రేస్ గుర్రం లా దూసుకుపోతోంది.