తెలుగు రాష్ట్రాల్లో భారీ స్థాయిలో ఫ్యాన్ ఫాలోయింగ్ ఉన్న హీరోలలో జూనియర్ ఎన్టీఆర్ ఒకరు. ఒక్కో సినిమాకు ఎన్టీఆర్ 40 కోట్ల రూపాయలకు అటూఇటుగా పారితోషికం తీసుకుంటున్నారు. నారా భువనేశ్వరిపై వైసీపీ నేతలు చేసిన కామెంట్ల విషయంలో జూనియర్ ఎన్టీఆర్ స్పందన సరిగ్గా లేదని టీడీపీ నేతలు తీవ్రస్థాయిలో విమర్శలు చేసిన విషయం తెలిసిందే. టీడీపీ నేతలు జూనియర్ ఎన్టీఆర్ ను టార్గెట్ చేస్తూ మాట్లాడటంతో ఎన్టీఆర్ అభిమానులు హర్ట్ అయ్యారు.
ఎన్టీఆర్ వీడియోలో సంస్కారవంతంగా వైసీపీ నేతలు సైతం ఆలోచించే విధంగా స్పందించారు. అయినప్పటికీ టీడీపీ నేతలు ఎన్టీఆర్ తప్పు చేసినట్టు విమర్శలు చేస్తున్నారు. ఎన్టీఆర్ ను ఏనాడైనా మేనల్లుడిగా గుర్తించారా? అంటూ చంద్రబాబు ఫ్యామిలీని తారక్ అభిమానులు ప్రశ్నిస్తున్నారు. తన టాలెంట్ తో జూనియర్ ఎన్టీఆర్ ఎదిగారని రాజకీయంగా ఎన్టీఆర్ ను వాడుకోవాలనే ఉద్దేశంతో టీడీపీ నేతలు వ్యవహరిస్తున్నారని ఎన్టీఆర్ ఫ్యాన్స్ అభిప్రాయపడుతున్నారు. 13 సంవత్సరాల క్రితం టీడీపీ తరపున ప్రచారానికి వెళ్లి ఎన్టీఆర్ ప్రాణాలమీదకు తెచ్చుకున్నాడని ఎన్టీఆర్ ఫ్యాన్స్ చెబుతున్నారు.
చంద్రబాబు రాజకీయంగా జూనియర్ ఎన్టీఆర్ కు చెక్ పెట్టాలని భావించి ఈ విధంగా టీడీపీ నేతలతో మాట్లాడించారని తారక్ ఫ్యాన్స్ కామెంట్లు చేస్తున్నారు. జూనియర్ ఎన్టీఆర్ కు వ్యతిరేకంగా మాట్లాడిన టీడీపీ నేతలు తారక్ కు క్షమాపణలు చెప్పాలని ఫ్యాన్స్ కోరుతున్నారు. ట్విట్టర్ లో #CBNShouldApologizeJrNTR హ్యాష్ ట్యాగ్ ను ట్రెండ్ చేస్తూ చంద్రబాబు కూడా తారక్ ను క్షమాపణలు కోరాలని ఫ్యాన్స్ కోరుతున్నారు. ఆర్ఆర్ఆర్ ప్రమోషన్లలో భాగంగా టీడీపీ నేతల కామెంట్ల గురించి ఎన్టీఆర్ స్పందిస్తారేమో చూడాల్సి ఉంది.
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
