యంగ్ టైగర్ ఎన్టీఆర్ జీవితంలో ఊహించని కుదుపు.. అతని తండ్రి హరికృష్ణ రోడ్డు ప్రమాదంలో మరణించడం. ఆ బాధతో ఎన్టీఆర్ చేస్తున్న సినిమా అరవింద సమేత షూటింగ్ లో పాల్గొనలేరని అందరూ అనుకున్నారు. త్రివిక్రమ్ కూడా బ్రేక్ ఇవ్వడానికి సిద్ధపడ్డారు. కానీ ఎన్టీఆర్ తో కాంబినేషన్ ఉన్న స్టార్స్ డేట్స్ దొరకాలంటే కష్టం. అందుకే తారక్ బాధని దిగమించి వారంలోనే కెమెరా ముందుకు వచ్చారు. రాత్రి పగలు కష్టపడి సినిమాని కంప్లీట్ చేశారు. ముందుగా ప్రకటించినట్లుగా దసరా కానుకగా ఈ నెల 11వ తేదీన సినిమా రిలీజ్ కానుంది. ఈ సినిమా రిలీజ్ అయిన తర్వాత తారక్ రాజమౌళి దర్శకత్వంలో నటించాల్సి ఉంది.
రామ్ చరణ్ కంటే ముందే ఎన్టీఆర్ పైన ఉన్న సన్నివేశాల్ని రాజమౌళి కంప్లీట్ చేయాలనీ అనుకున్నారు. కానీ ఎన్టీఆర్ పరిస్థితి దృష్ట్యా రాజమౌళి తన సినిమా షూటింగ్ ని వాయిదా వేశారు. పూర్తిగా కోలుకున్నతర్వాత షూటింగ్ కి హాజరుకమ్మని జక్కన్న చెప్పేసారు. అందుకే ఎన్టీఆర్ దాదాపు నెలరోజుల పటు ఇంటిపట్టునే ఉండనున్నారు. కుటుంబసభ్యులతో కలిసి రెస్ట్ తీసుకోనున్నారు. ఈ విశ్రాంతి ఎన్టీఆర్ కి అవసరమని అభిమానులు కోరుకుంటున్నారు. అరవింద ప్రీ రిలీజ్ వేడుకలో ఎన్టీఆర్ ఏడవడం చూసి.. ఫ్యాన్స్ చలించిపోయారు. దైర్యంగా ఉండాలని… తమకి దైర్యం ఇవ్వాలని కోరుకుంటున్నారు.
