చిన్న వయసులోనే రికార్డులను మడతపెట్టి తన జేబులో వేసుకున్న రికార్డ్ మన ఎన్టీఆర్ కే దక్కుతుంది. అతి చిన్న వయసులోనే తన ఏజ్ ను మించిన రేంజ్ హిట్స్ తో ఎన్టీఆర్ ఇరగధీసాడు. అయితే అదంతా పక్కన పెడితే, ఇప్పుడు ఎన్టీఆర్ మరోసారి తన విశ్వరూపం చూపించేందుకు సిద్దం అవుతున్నాడు. ఇండస్ట్రీ కి హిట్ ఇవ్వడం మాత్రమే కాకుండా చరిత్రలో నిలిచిపోయే సినిమాగా తన జనతా గ్యారేజ్ ను నిలపాలని ఎన్టీఆర్ పక్క ప్లాన్ తో ముందుకుపోతున్నట్లు తెలుస్తుంది.
ఎన్టీఆర్ ప్రస్తుతం జనతా గ్యారేజ్ సినిమాలో నటిస్తున్నట్లు తెలిసిన విషయమే. అయితే మిర్చి, శ్రీమంతుడు తరువాత సూపర్ హ్యాట్రిక్ కోసం దర్శకుడు కొరటాల శివ ఎలా కష్టపడుతున్నాడో, ఎన్టీఆర్ కు టెంపర్, నాన్నకు ప్రేమతో హిట్ తో అంతే కసితో హ్యాట్రిక్ హిట్ కోసం పక్కా వ్యూహం తో దూసుకుపోవడానికి సన్నద్దం అవుతున్నాడు. ఇక వీళ్ళిద్దరి కాంబినేషన్ పై సహజంగానే అంచనాలు భారీగా ఏర్పడడంతో, ఆ అంచనాలను ఎక్కడా తగ్గకుండా సినిమాను తెరకెక్కించాలనే ప్రయత్నంలో కష్టపడుతున్నారు వీళ్ళిద్దరూ.
మరో పక్క జనతా స్టార్ట్ అయిన నాటి నుండి సినిమా బిజినెస్ టాప్ రేంజ్ లో జరిగింది. ఇంతకీ ఈ సినిమాలో ఎన్టీఆర్ సరికొత్తగా ఎలా కనిపించనున్నాడు అంటే ఎన్టీఆర్ లో కొంతకాలంగా చూడని ఎమోషన్.. మాస్ అంశాలతో సరికొత్త ఎన్టీఆర్ కనిపిస్తాడట. ఇక అది కనుక ఆడియెన్స్ కు రీచ్ అయితే సినిమా రికార్డులు సృష్టించడమే కాదు చరిత్రలో నిలిచిపోయే హిట్ కొట్టడం ఖాయమంటున్నారు ట్రేడ్ వర్గాలు. చూద్దాం ఏం జరుగుతుందో.
