Julayi: బన్నీ మూవీ రీరిలీజ్ లో బ్లాక్ బస్టర్ హిట్ గా నిలుస్తుందా?

అల్లు అర్జున్ (Allu Arjun) త్రివిక్రమ్ శ్రీనివాస్ (Trivikram) కాంబినేషన్ లో తెరకెక్కిన జులాయి (Julayi) మూవీ బాక్సాఫీస్ వద్ద బ్లాక్ బస్టర్ హిట్ గా నిలిచిన సంగతి తెలిసిందే. బన్నీ, త్రివిక్రమ్ కాంబినేషన్ లో తెరకెక్కిన తొలి సినిమా ఇదే కావడం గమనార్హం. జులాయి మూవీకి రీరిలీజ్ లో ఎలాంటి రెస్పాన్స్ వస్తుందో చూడాల్సి ఉంది. ఈ నెల 8వ తేదీన బన్నీ పుట్టినరోజు కానుకగా ఈ సినిమా రీరిలీజ్ కానుందని సమాచారం అందుతోంది.

బన్నీకి ప్రేక్షకుల్లో ఏ స్థాయిలో ఫ్యాన్ ఫాలోయింగ్ ఉందో ప్రత్యేకంగా చెప్పాల్సిన అవసరం లేదు. మరోవైపు పుష్ప2 (Pushpa 2: The Rule) టీజర్ కూడా అదే తేదీన విడుదల కానుంది. టీజర్ తో ఈ సినిమా బాక్సాఫీస్ ను ఏ రేంజ్ లో షేక్ చేస్తుందో చూడాల్సి ఉంది. బన్నీ పుష్ప2 సినిమాతో ష్యూర్ షాట్ బ్లాక్ బస్టర్ హిట్ అందుకుంటానని నమ్మకంతో ఉన్నారు. బన్నీ తన సినిమాలు అన్ని వర్గాల ప్రేక్షకులకు నచ్చేలా జాగ్రత్తలు తీసుకుంటున్నారు.

పుష్ప2 సినిమాలో రష్మిక (Rashmika) పాత్ర అదుర్స్ అనేలా ఉంటుందని తెలుస్తోంది. రష్మిక పాత్రకు సంబంధించి డ్రామా ఎక్కువగా ఉంటుందని ఇప్పటికే వేర్వేరు సందర్భాల్లో వార్తలు ప్రచారంలోకి వచ్చాయి. బన్నీ, రష్మిక ఈ సినిమాతో ఏ రేంజ్ లో మ్యాజిక్ చేస్తారో చూడాలి. పుష్ప ది రూల్ రిలీజ్ డేట్ మారకుండా బన్నీ అన్ని జాగ్రత్తలు తీసుకుంటున్నారని భోగట్టా. సుకుమార్ ఈ సినిమాను ఆలస్యం చేయకుండా బన్నీ అనుకున్న విధంగా షెడ్యూల్స్ పూర్తయ్యేలా చేస్తున్నారని సమాచారం.

పుష్ప ది రూల్ నుంచి ఫస్ట్ సింగిల్ కోసం కూడా ఫ్యాన్స్ ఆసక్తిగా ఎదురుచూస్తున్నారు. ఈ సినిమాలో స్పెషల్ సాంగ్ కూడా ఉంటుందని ఆ సాంగ్ ఫ్యాన్స్ అంచనాలను మించి ఉంటుందని తెలుస్తోంది. పుష్ప ది రూల్ సినిమా బడ్జెట్ గురించి వేర్వేరు వార్తలు ప్రచారంలోకి వస్తున్నాయి. మైత్రీ మేకర్స్ క్లారిటీ ఇస్తే మాత్రమే ఈ సినిమా బడ్జెట్ కు సంబంధించి అసలు విషయాలు తెలిసే ఛాన్స్ ఉంటుంది.