పక్కింట్లో పేరంటానికి వెళ్లడానికి కూడా మేకప్, కొత్త చీర.. దానికి మేచింగ్ చెప్పులు ఉంటే కానీ ఇల్లు కదలరు మన ఆడవాళ్లు. అలాంటిది ఓ ప్రఖ్యాత ఫిలిం ఫెస్టివల్ “రెడ్ కార్పెట్”పై కనీసం చెప్పుల్లేకుండా నడుచుకుంటూ వెళ్ళిపోయింది ఓ హాలీవుడ్ నటీమణి.
“కేన్స్ ఫిలిం ఫెస్టివల్”. ఈ పేరు చెప్పగానే అక్కడ ప్రదర్శించే సినిమాల కంటే, ఆ వేడుకకు బుట్ట బొమ్మల్లా, బంగారు రాణుల్లా రెడీ అయి, రెడ్ కార్పెట్ మీద వయ్యారంగా నడుచుకుంటూ వచ్చే వయ్యారి భామలే అందరికీ గుర్తొస్తాయి.
అసలు ఆ రెడ్ కార్పెట్ పైన నడవడమే పెద్ద అచీవ్ మెంట్ గా భావిస్తుంటారు కొందరు హీరోయిన్లు. కానీ.. హాలీవుడ్ నటి జూలియా రాబర్ట్స్ మాత్రం.. “కేన్స్ ఫిలిం ఫెస్టివల్”లో రెడ్ కార్పెట్ పైన కనీసం చెప్పుల్లేకుండా ఒట్టి కాళ్ళతో నడుచుకుంటూ వెళ్లిపోయింది. ఆమె నటించిన తాజా చిత్రం “మనీ మాన్స్టర్” ఫిలిం ఫెస్టివల్ లో ప్రదర్శితమవుతుండగా ఆమె అక్కడికి వచ్చింది. మరి చెప్పుల్లో ఏదైనా సమస్య వచ్చిందో లేక కావాలనే అలా నడిచిందే తెలియదు కానీ.. అలా వట్టి కాళ్ళతో నడుచుకుంటూ వెళ్తున్న జులియాను చూసిన వాళ్ళందరూ నోరెళ్లబెట్టారు!
