ఇండస్ట్రీలో మరో విషాదం!

సినీ పరిశ్రమలో పలు విషాదాలు చోటుచేసుకుంటూనే ఉన్నాయి. ఇప్పటికే కరోనాతో కల్లోలం అవుతున్న సినిమా ఇండస్ట్రీలో నటులు మృత్యువాత మరింత విషాదాన్ని నింపుతున్నాయి. ఇప్పటికే లెజండరీ సింగర్ బాలసుబ్రహ్మణ్యం మరణించిన సంగతి తెలిసిందే. ఈ విషాదం నుండి ఇంకా ఇండస్ట్రీ బయటికి రాలేకపోతుంది. అలానే మరికొంతమంది కూడా మరణించారు. ఈ క్రమంలో జూనియర్ ఆర్టిస్ట్ గా పని చేస్తోన్న నమో కిరణ్ అనే యువకుడు ఆత్మహత్య చేసుకున్నాడు. నగరంలోని న్యూబోయిగూడ ఐడీహెచ్‌లో నివసిస్తున్న మోహన్‌,

వనజ దంపతులకు ముగ్గురు కుమారులు. పెద్ద కుమారుడు నమో కరణ్‌(21)సినీ పరిశ్రమలో జూనియర్‌ ఆర్టిస్టుగా పనిచేస్తున్నాడు. అయితే కిరణ్ ప్రేమలో ఫెయిల్ అవ్వడంతో తీవ్ర మనస్తాపానికి గురయ్యాడు. గురువారం సాయంత్రం ఇంట్లో ఎవరూ లేని సమయంలో ఫ్యాన్ కి చీరతో ఉరేసుకున్నాడు. పని నిమిత్తం బయటకి వెళ్లి వచ్చిన వనజ తలుపులు మూసి ఉండడంతో స్థానికుల సహాయంతో తెరిచి చూసింది. అప్పటికే కిరణ్ ఇంట్లో ఫ్యాన్ కి ఉరేసుకొని కనిపించాడు.

ఎదిగిన కొడుకు మృత్యువాత పడడం తట్టుకోలేని తల్లితండ్రులు కన్నీరుమున్నీరుగా విలపిస్తున్నారు. వారి ఫిర్యాదు మేరకు కేసు నమోదు చేసిన పోలీసులు దర్యాప్తు చేస్తున్నారు.

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!