తెలుగు, తమిళ బాషల్లో తనకంటూ ప్రత్యేకమైన పేరు సంపాదించుకున్న జ్యోతిక వైవాహిక జీవితం అనంతరం సినిమాలకు దూరమయింది. చాలా ఏళ్ల పాటు తను ఇంటికే పరిమితమయింది. ఇటీవలే ’36 వయదినిలే’ చిత్రంతో రీ ఎంట్రీ ఇచ్చింది. ఈ చిత్రాన్ని జ్యోతిక భర్త సూర్యనే స్వయంగా తన సొంత బ్యానర్ లో నిర్మించడం విశేషం. ఈ నేపధ్యంలో జ్యోతిక వరుసగా సినిమాల్లో నటించాలని నిర్ణయించుకుంది.
డైరెక్టర్ బ్రహ్మ రీసెంట్ గా తెరకెక్కించిన ‘కుట్రం కడిదల్’ అనే చిత్రానికి ఇటు ప్రేక్షకుల నుండి.. అటు విమర్శకుల నుండి.. మంచి స్పందన లభిస్తోంది. ఈ దర్శకుడు చెప్పిన లైన్ నచ్చడంతో జ్యోతిక సినిమా చేయడానికి అంగీకరించినట్లుగాతెలుస్తోంది. ప్రస్తుతం ఈ సినిమాకు సంబంధించిన రిహార్సల్స్ జరుగుతున్నాయి. మరో రెండు వారాల్లో సినిమాను ప్రారంభించాలని ప్లాన్ చేస్తున్నారు.
