రవితేజ పరిచయం చేసిన దర్శకులలో హరీశ్ శంకర్, కెఎస్ రవీంద్ర దాదాపు ఒకే రూట్ లో వెళుతున్నారు. తొలి సినిమాతో ‘షాక్’ తర్వాత మళ్ళీ రవితేజ తోనే మిరపకాయ్ సినిమా తీసి హిట్ కొట్టి దర్శకుడిగా నిలబడ్డాడు హరీష్ శంకర్. ఫలితంగా వచ్చిన ‘గబ్బర్ సింగ్’తో స్టార్ డైరెక్టర్ గా ప్రమోషన్ కొట్టాడు. వెంటనే స్టైలిష్ స్టార్ అల్లు అర్జున్ తో ఓ సినిమా చేసేందుకు ప్రయత్నాలు జరిగాయి. పలు కారణాల వాళ్ళ అప్పుడు కుదరకపోయినా ‘దువ్వాడ జగన్నాధం’ వీరిద్దరిని ఏకం చేసింది.
ఇప్పుడు ‘పవర్’ సినిమాతో దర్శకుడిగా మారిన బాబీ కూడా బన్నీతో సినిమా చేయాలని తపిస్తున్నాడట. ఈ మేరకు కథా చర్చలు కూడా పూర్తయినట్టు తెలుస్తోంది. అయితే ‘గబ్బర్ సింగ్’ లాంటి ఇండస్ట్రీ హిట్ ఇచ్చిన తర్వాత హరీష్ సినిమా పట్టాలెక్కించడానికే బన్నీ ఇంత టైం తీసుకున్నాడు. పవన్ తో సినిమా చేశాడన్న పేరే గానీ నిఖార్సయిన హిట్ లేని బాబీ పరిస్థితి ఏంటన్నది ప్రస్తుత చర్చ. మరోవైపు అల్లు వారి అబ్బాయితో సినిమా చేసేందుకు విక్రమ్ కుమార్, పూరి, త్రివిక్రమ్ లాంటి టాలెంటెడ్ డైరక్టర్లు సిద్ధంగా ఉన్నాయి. అంచేత బాబీ ప్రయత్నం ఏ మేరకు ఫలిస్తుందన్నది ఇప్పుడే చెప్పలేం.
