నవీన్ పోలిశెట్టి.. ఇప్పుడిప్పుడే టాప్ హీరోగా ఎదుగుతున్నాడు. కెరీర్ ప్రారంభంలో క్యారెక్టర్ ఆర్టిస్ట్ గా పలు సినిమాల్లో నటించిన ఇతను తర్వాత హీరోగా మారి ‘ఏజెంట్ సాయి శ్రీనివాస్ ఆత్రేయ’ ‘జాతి రత్నాలు’ వంటి బ్లాక్ బస్టర్ సినిమాల్లో నటించాడు. అతని లేటెస్ట్ మూవీ ‘మిస్ శెట్టి మిస్టర్ పోలిశెట్టి’ సినిమా రిలీజ్ కు రెడీ అయ్యింది. ఈ సినిమాలో నవీన్ కి జోడీగా అనుష్క శెట్టి హీరోయిన్ గా నటించింది.
ఈ సినిమా సాంగ్స్, టీజర్, ట్రైలర్ అన్నీ ప్రేక్షకుల్ని అమితంగా ఆకట్టుకున్నాయి. సెప్టెంబర్ 7న ఈ చిత్రం రిలీజ్ కాబోతుంది. దీంతో భారీ అంచనాలే నెలకొన్నాయి అని చెప్పాలి. ఇదిలా ఉండగా.. నవీన్ పోలిశెట్టి ఈ సినిమా ప్రమోషన్లలో భాగంగా వైజాగ్ వెళ్ళాడు. అక్కడ ఊహించని విధంగా ప్రజాశాంతి పార్టీ వ్యవస్థాపకుడు కె.ఎ.పాల్ తో కలిసి రచ్చ చేసిన వీడియో వైరల్ అవుతుంది.
విషయంలోకి వెళితే.. వైజాగ్ లో ప్రజాశాంతి పార్టీ వ్యవస్థాపకుడు (KA Paul) కె.ఎ.పాల్, అలాగే హీరో నవీన్ పోలిశెట్టి సందడి చేయడం హాట్ టాపిక్ అయ్యింది. నిన్న రాత్రి వైజాగ్ బీచ్ రోడ్డులోని సిగ్నల్ దగ్గర కె.ఏ.పాల్ తన కార్ ఆపి యువతతో ముచ్చటించారు. సీఎం సీఎం అంటూ అక్కడున్న జనాలు కె.ఎ.పాల్ వద్ద అరుస్తుండగా… అనుకోకుండా నవీన్ పోలిశెట్టి కార్ కూడా ఆ సిగ్నల్ వద్దకి వచ్చి ఆగింది.
కె.ఎ.పాల్ ను చూసి నవీన్ పోలిశెట్టి కూడా కారులో నుండి బయటికి వచ్చి అతనికి నమస్కారం చేశాడు. దీంతో అప్పటి వరకు కె.ఎ.పాల్ దగ్గర ఉన్న జనాలు నుంచి నవీన్ వైపుకి పరుగులు తీశారు. సెల్ఫీలు దిగేందుకు కూడా ఎగబడ్డారు. దీనికి సంబంధించిన వీడియో ఇప్పుడు వైరల్ అవుతుంది.
https://www.youtube.com/watch?v=d_qU7Fk3-L0
మిడ్ రేంజ్ హీరోలు చేసిన ఈ 10 యాక్షన్ సినిమాలు భారీ నష్టాలు మిగిల్చాయని మీకు తెలుసా?
మెహర్ రమేష్ తో పాటు పెద్ద హీరోలు ఛాన్సులు ఇచ్చినా హిట్లివ్వలేకపోయిన డైరెక్టర్ల లిస్ట్.!
రామ్ నీ బాలయ్య ఏమని తిట్టాడో తెలిస్తే షాక్ అవుతారు..!
