లీకైన కాలా క్లైమాక్స్ ఫైట్

పా.రంజత్‌ దర్శకత్వంలో రజినీకాంత్ నటించిన కబాలి అనేక రికార్డులను కొల్లగొట్టింది. అయితే సూపర్ హిట్ మాత్రం కాలేకపోయింది. ఆ లోటును భర్తీ చేయడానికన్నట్టు వీరి కాంబినేషన్లో కాలా సినిమా సిద్ధమవుతోంది. ధనుష్‌ తన వండర్‌బార్‌ ఫిలింస్‌ పతాకంపై నిర్మిస్తున్న ఈ చిత్రం ప్రొడక్షన్ కంప్లీట్ చేసుకొని, పోస్ట్ ప్రొడక్షన్ జరుపుకుంటోంది. శంకర్ దర్శకత్వంలో రజినీ నటిస్తున్న 2 .o కంటే తర్వాత మొదలైన ఈ మూవీ దాని కంటే ముందే రిలీజ్ కాబోతోంది. ఏప్రిల్ 27 న కాలా రిలీజ్ అవుతుందని చిత్ర బృందం ప్రకటించడంతో అభిమానులు ఆనంద పడ్డారు. ఆ ఆనందం వారికి ఎక్కువ సమయం నిలవలేదు.

కాలా లీకుల కోరల్లో చిక్కుకోవడంతో ఫ్యాన్స్ బాధపడుతున్నారు. ఇంకా టీజర్ కూడా రాకముందే ఫైట్ సీన్ లీక్ కావడం ఆందోళన కలిగిస్తోంది. నల్ల చొక్కా.. నల్ల లుంగీలో ఉన్న రజినీకాంత్ మంటల్లో చిక్కుకున్న ఫ్యాక్టరీలో విలన్ తో ఫైట్ చేస్తున్న వీడియో సోషల్ మీడియాలో హల్ చల్ చేస్తోంది. ఈ ఫైట్ సినిమాలో క్లైమాక్స్ లో వస్తుందని సమాచారం. ఈ ఫైట్ మాస్ అభిమానులకోసం రజినీ ఎంతో సాహసంతో చేసారని తెలిసింది. ఈ వీడియో అందరినీ ఆకట్టుకుంటోంది. సినిమాపై అంచనాలను పెంచుతోంది. ఈ లీక్ ద్వారా అలర్ట్ అయిన చిత్రం బృందం మరో సారి లీక్ కాకుండా చర్యలు చేపట్టింది.