ఓవర్ సీస్ లో కాలా కలక్షన్ల దూకుడు

సూపర్ స్టార్ రజినీకాంత్, పా .రంజిత్ కాంబినేషన్లో వచ్చిన కాలా గురువారం రిలీజ్ అయి మంచి స్పందన అందుకుంది. విడుదలయిన అన్ని థియేటర్లో హౌస్ ఫుల్ కలక్షన్స్ సాధించి దూసుకుపోతోంది. తొలిరోజు ప్రపంచవ్యాప్తంగా 50 కోట్లు వసూలు చేసి ఔరా అనిపించింది. ఈ మూవీ తమిళ, తెలుగు రాష్ట్రాల్లోనే కాకుండా విదేశాల్లోను భారీ కలక్షన్స్ సాధిస్తోంది. ఈశ్వరరావు, నానా పటేకర్, హుమా క్కురేషి తదితరులు నటించిన ఈ సినిమా ఓవర్సీస్లో 322 లొకేషనల్లో విడుదలైంది. దీంతో అక్కడ కూడ ఓపెనింగ్స్ బాగానే దక్కాయి. ట్రేడ్ వర్గాల సమాచారం మేరకు 6వ తేదీ రాత్రి ప్రదర్శింపబడిన ప్రీమియర్ల ద్వారా ఈ సినిమా 509,502 డాలర్లను రాబట్టుకుంది.

అలాగే ఇప్పటి వరకు ఈ చిత్రం 1,019,988 డాలర్లను వసూలు చేసింది. రెండు రోజుల్లోనే వన్ మిలియన్ డాలర్ల మార్క్ ని దాటి రికార్డు సృష్టించింది. ‘రోబో, లింగ, కబాలి’ చిత్రాల తర్వాత యూఎస్లో రజనీకిది నాల్గవ మిలియన్ డాలర్ చిత్రం. రజినీ అల్లుడు, హీరో ధనుష్ నిర్మించిన ఈ సినిమా తొలి వీకెండ్ నాటికీ వందకోట్ల క్లబ్ లో చేరిపోతుందని సినీ విశ్లేషకులు అంచనా వేస్తున్నారు. అలాగే ఓవర్సీస్ లో రెండు మిలియన్ మార్క్ కి చేరుకుంటుందని భావిస్తున్నారు. కాలా జోరు చూస్తుంటే వీరి అంచనాలు నిజమయ్యేలా ఉన్నాయి.