కాలా ఫస్ట్ డే కలక్షన్స్

పా. రంజిత్ దర్శకత్వంలో సౌత్ ఇండియన్ సూపర్ స్టార్ రజినీకాంత్ చేసిన రెండో చిత్రం కాలా. ముంబై నేపథ్యంలో తెరకెక్కిన ఈ మూవీ 230 కోట్ల ప్రీ రిలీజ్ బిజినెస్ చేసి ఆశ్చర్యపరిచింది. రజినీ అల్లుడు ధనుష్ నిర్మించిన ఈ చిత్రం నిన్న ప్రపంచవ్యాప్తంగా రిలీజ్ అయి మిశ్రమస్పందన అందుకుంది. అయినప్పటికీ ఈ చిత్రం తొలి రోజున ప్రపంచ వ్యాప్తంగా 50 కోట్లు రాబట్టి రజినీ క్రేజ్ ని చాటింది. సినిమా వారం శుక్రవారం రిలీజ్ అయి ఉంటే ఈ కలక్షన్స్ పెరిగే అవకాశం ఉండేదని సినీ విశ్లేషకులు అంచనావేస్తున్నారు.

ఇక ఏరియాల వారీగా కలక్షన్స్ విషయానికొస్తే.. తమిళనాడులో 17 కోట్లు, తెలుగు రాష్ట్రాల్లో 7 కోట్లు, కేరళలో 3 కోట్లు, మిగిలిన రాష్ట్రాలన్నింట్లో కలిపి 6 కోట్లు వసూలు చేసినట్లు ట్రేడ్ వర్గాలవారు తెలిపారు. మనదేశంలోనే కాకుండా రజినీకాంత్ కి విదేశాల్లో మంచి ఫాలోయింగ్ ఉంది. అందుకు తగ్గట్టుగానే కాలా విదేశాల్లో 17 కోట్లు రాబట్టినట్లు సమాచారం. ఇలా మొత్తంగా 50 కోట్ల ఓపెనింగ్స్‌ సాధించింది. అయినా ‘కబాలి’ ఓపెనింగ్స్‌ను కాలా అధిగమించలేకపోయింది. ‘కబాలి’ ఫస్ట్ డే 87.5 కోట్లు వసూలు చేసింది. లాంగ్ రన్ లో ‘కబాలి’ రికార్డును కాలా బద్దలు కొడుతుందని సినీ విశ్లేషకులు భావిస్తున్నారు.