రజనీకాంత్ కెరీర్ లోనే బిగ్గెస్ట్ డిజాస్టర్ గా నిలిచింది

“కబాలి” లాంటి బిగ్గెస్ట్ ఫ్లాప్ అనంతరం పా.రంజిత్-రజనీకాంత్ ల కాంబినేషన్ లో తెరకెక్కిన చిత్రం “కాలా”. “కబాలి” ఫ్లాపవ్వడంతో ఆ ఎఫెక్ట్ “కాలా” మీద చాలా ఎక్కువగా పడింది. బిజినెస్ దగ్గరనుంచి ఓపెనింగ్స్ వరకూ ప్రతీ విషయం “కబాలి” పుణ్యమా అని ఎఫెక్ట్ అయ్యాయి. ముఖ్యంగా తెలుగు రాష్ట్రాల్లో “కాలా” ఓపెనింగ్స్ చూసి షాక్ అయిపోయారు అందరు.. అంటే ఎక్కువ అనుకోకండి.. “కబాలి”కి వచ్చిన ఓపెనింగ్స్ లో సగం కూడా రాలేదు పాపం. ఇక్కడ దాదాపు 28 కోట్ల రూపాయలకు కొనగా కనీసం 20 కోట్లు కూడా వసూలు చేయలేకపోయింది.

ఇక ఓవర్సీస్ లో అయితే.. “కబాలి” ఫస్ట్ డే కి వచ్చిన టోటల్ కలెక్షన్ మరియు “కాలా” టోటల్ రన్ కలెక్షన్ ఇంచుమించుగా ఒకటే ఉండడం అందర్నీ ఆశ్చర్యానికి గురి చేస్తోంది. ఆలిండియా సూపర్ స్టార్ అని అందరూ పేర్కొనే రజనీకాంత్ సినిమాకి ఈ తరహా కలెక్షన్స్ ఏమిటంటూ ట్రేడ్ ఎనలిస్ట్ లు కూడా ఫక్కున నవ్వుతున్నారు. ఇక రజనీకాంత్ తోపాటు ఆయన అభిమానులు కూడా కార్తీక్ సుబ్బరాజ్ దర్శకత్వంలో తెరకెక్కనున్న సినిమా మీదే తమ ఆశాలన్నీ పెట్టుకొన్నారు.