సినీజనమంతా ఎప్పుడెప్పుడా అని ఎదురుచూస్తున్న కబాలి సినిమా విడుదలైంది. అమెరికాలో ప్రదర్శించిన స్పెషల్ షోను సూపర్‌స్టార్ రజనీకాంత్ వీక్షించారు. కబాలి సినిమా చూసిన ప్రేక్షకుల నుంచి పాజిటివ్ రెస్పాన్స్ రావడంపై రజనీ సంతృప్తి వ్యక్తం చేశారు.
రజనీ కుటుంబసభ్యులతో కలిసి కబాలిని వీక్షించారు. సినిమా చూసిన కొందరు ఎన్నారైలు ట్విట్టర్‌ వేదికగా తమ స్పందనను పంచుకున్నారు. కబాలి మూవీ పైసా వసూల్ సినిమా అని, తలైవా ఫ్యాన్స్ గర్వపడే సినిమా అని ట్వీట్ చేశారు. అంతేకాదు, ఈ సినిమాకు సంబంధించిన హీరో ఇంట్రడక్షన్ సీన్‌ను వీడియో తీసి వాట్సాప్‌లో పెట్టారు. రెండు నిమిషాల నిడివి ఉన్న ఈ సీన్ ప్రస్తుతం హాట్ టాపిక్‌గా మారింది. ఇప్పటికే తమిళనాడులో అడ్వాన్స్ బుకింగ్‌లో కబాలి రికార్డ్ సృష్టించింది. తెలుగు, తమిళ భాషల్లో ఈరోజు కబాలి విడుదల కాబోతోంది. ఈ సినిమా కోసం అభిమానులతో పాటు సినీ ఇండస్ట్రీ కూడా ఆసక్తిగా ఎదురుచూస్తుండటం విశేషం.
