తమిళ తలైవార్ రజనీకాంత్ అంటే ఒక్క తమిళంలోనే మాత్రమే కాకుండా, యావత్ భారతదేశంలో, ఇంకా చెప్పాలి అంటే ప్రపంచవ్యాప్తంగా అభిమానిస్తారు. అయితే రాజనీకాంత్ నటించిన కబాలి సినిమా కోసం యావత్ ప్రపంచం ఆశగా ఎదురు చూస్తున్న తరుణంలో ఎన్నో ఊహాగానాల మధ్య రజని తలైవార్ ఎట్టకేలకు ఈ నెల 22న వస్తుంది అని ఫిక్స్ చేశారు.
ఇక ఈ డేట్ ను ఆ సినిమా నిర్మాత కలైపులి థాను ట్విటర్లో కూడా ప్రటించేసాడు. ఇంతవరకూ బాగానే ఉంది కానీ, అసలు చిక్కు ఇక్కడే వచ్చి పడింది. అదేమిటంటే…తమిళ తంబీలు చెబుతున్న మాటల ప్రకారం ‘కబాలి’ చిత్రాన్ని తమిళనాడు ముఖ్యమంత్రి జయలలితకు చూపించిన తర్వాత మాత్రమే రిలీజ్‌ డేట్ ఫిక్స్ చేయాలని రజనీకాంత్ సూచించాడట. అయితే రజని అలా అనడం వెనుక ఆసకు కారణం తెలీదు కానీ, రజని గ్యాంగ్ నుంచి వాస్తున్న వార్తల ప్రకారం కబాలి మళ్లీ వాయిదాపడి, ఆగష్టు5న విడుదల అవుతుంది అన్నట్లు తెలుస్తుంది.
అయితే దీనిపై ఇంకా అధికారిక ప్రకటన అయితే రాలేదు కానీ మొత్తానికైతే కబాలి విడుదలపై అలా నీలి నీడలు కమ్ముకున్నాయి. మరి ముందుగా చెప్పినట్లుగా ఈ 22న వస్తాడో, లేకపోతే వచ్చే నెలకు వాయిదాపడి ఆగస్థు 5న రంగంలోకి దిగుతాడో చూడాలి.
