ఈ మధ్య కాలంలో భారీ అంచనాల మధ్య విడుదలవుతున్న చిత్రాలు బాక్సాఫీస్ వద్ద బోల్తా పడుతున్నాయి. అదే విధంగా రజినీకాంత్ ‘కబాలి’ సినిమాకు కూడా మిశ్రమ స్పందన లభిస్తోంది. అభిమానులు ఎంతో ఆశగా ఎదురు చూసిన ఈ సినిమా నిన్ననే ప్రపంచవ్యాప్తంగా విడుదలయ్యింది. రజిని అభిమానులను కూడా ఈ సినిమా నిరాశ పరించిందనే చెప్పాలి.
మొదటిరోజు రికార్డు స్థాయి ఓపెనింగ్స్ రాబట్టినప్పటికీ.. సినిమా పట్ల మాత్రం పాజిటివ్ టాక్ రాలేదు. దీనికి కారణం సినిమా నిడివి. 150 నిమిషాల నిడివి గల ఈ సినిమాలో ప్రేక్షకులను బోర్ కొట్టించే సన్నివేశాలు చాలానే ఉన్నాయి. ఈ విషయాన్ని గ్రహించిన చిత్ర నిర్మాతలు సినిమాను ట్రిమ్ చేసే పనిలో ఉన్నారు. సుమారుగా 15 నిమిషాల సినిమాను కట్ చేసి కొత్త ప్రింట్లను సోమవారం నుండి ప్రదర్శించనున్నారు.
Home