టాలీవుడ్ ఇండస్ట్రీలో స్టార్ హీరోయిన్ గా కొన్నేళ్ల క్రితం వరకు వెలుగు వెలిగిన కాజల్ కు ఈ మధ్య కాలంలో సినిమా ఆఫర్లు తగ్గిన సంగతి తెలిసిందే. మంచు విష్ణుకు కాజల్ అక్కగా నటించిన మోసగాళ్లు సినిమా బాక్సాఫీస్ వద్ద డిజాస్టర్ గా నిలిచింది. 50 కోట్ల రూపాయల భారీ బడ్జెట్ తో తెరకెక్కిన ఈ సినిమా కేవలం కోటి రూపాయల కలెక్షన్లను సాధించింది. ప్రస్తుతం కాజల్ ఆచార్య సినిమాలో నటిస్తుండగా ఈ మూవీలో కాజల్ పాత్రకు సంబంధించిన వివరాలు తెలియాల్సి ఉంది.
అయితే తాజాగా కాజల్ అగర్వాల్ అమ్మ పాత్రలో నటించడానికి ఓకే చెప్పారని వార్తలు వినిపిస్తున్నాయి. కోలీవుడ్ లో తెరకెక్కుతున్న రౌడీ బేబీ అనే మూవీలో కాజల్ అమ్మ పాత్రలో నటిస్తున్నారని ప్రచారం జరుగుతోంది. ఈ వార్త వల్ల కాజల్ అగర్వాల్ సెకండ్ ఇన్నింగ్స్ మొదలైందా..? అనే కామెంట్లు వినిపిస్తున్నాయి. కాజల్ అగర్వాల్ రెమ్యునరేషన్ ను కూడా భారీగా తగ్గించారని గతంలో వార్తలు వైరల్ అయిన సంగతి తెలిసిందే. మరోవైపు కాజల్ అగర్వాల్ హీరోయిన్ గా ఆఫర్లు తగ్గినా నటిగా కెరీర్ ను కొనసాగించాలని భావిస్తున్నారు.
కాజల్ అగర్వాల్ కు పెళ్లి కావడంతో స్టార్ హీరోలు ఆమెకు సినిమా ఆఫర్లు ఇవ్వడానికి ఆసక్తి చూపడం లేదని పెళ్లే కాజల్ కు పరోక్షంగా సమస్యగా మారిందని తెలుస్తోంది. హీరోయిన్ సమంతకు కూడా పెళ్లి తరువాత స్టార్ హీరోల సినిమాలలో ఆఫర్లు తగ్గిన సంగతి తెలిసిందే. అయితే సమంత లేడీ ఓరియెంటెడ్ సినిమాలలో నటించడంతో పాటు ఆ సినిమాలతో సక్సెస్ సాధించి కెరీర్ ను చక్కగా ప్లాన్ చేసుకున్నారు. కాజల్ కూడా సమంతలా పెళ్లి తర్వాత కెరీర్ ను కొనసాగిస్తారేమో చూడాల్సి ఉంది. పెళ్లి చేసుకోవడమే కాజల్ కు హీరోయిన్ ఆఫర్లు తగ్గడానికి కారణమని తెలుస్తోంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
