కాజల్ మరో బంపర్ ఆఫర్ కొట్టేసిందిగా..!

తెలుగుతో పాటు తమిళంలో కూడా స్టార్ హీరోయిన్ గా ఎదిగింది కాజల్ అగర్వాల్. ఇండస్ట్రీకి ఎంట్రీ ఇచ్చి 13 ఏళ్ళు పూర్తికావస్తున్నా కాజల్ క్రేజ్ మాత్రం ఏమాత్రం తగ్గలేదు అనే చెప్పాలి. కొత్త భామల పోటీ ఎక్కువైనప్పటికీ… ఈమె క్రేజ్ ను సీనియర్ స్టార్ హీరోలు బాగా వాడుకుంటున్నారు. ఇక ప్రెజెంట్ స్టార్ హీరోకు కూడా తమ సినిమాల్లో కాజల్ కు సెకండ్ హీరోయిన్ ఛాన్స్ లు ఇస్తూ వస్తున్నారు.

గతంలో ఈమె మహేష్ బాబు ‘బ్రహ్మోత్సవం’, విజయ్ ‘అదిరింది'(మెర్సల్) వంటి చిత్రాలలో సెకండ్ హీరోయిన్ గా నటించింది కాజల్. ఇప్పుడు మరోసారి తమిళ స్టార్ హీరో విజయ్ సినిమాలో సెకండ్ హీరోయిన్ ఛాన్స్ కొట్టేసిందట కాజల్. వివరాల్లోకి వెళితే.. ‘మాష్టర్’ తరువాత విజయ్.. మురుగదాస్ డైరెక్షన్లో ఓ చిత్రం చేస్తున్న సంగతి తెలిసిందే. ఈ చిత్రం ‘తుపాకీ’ కి సీక్వెల్ అనే ప్రచారం కూడా నడుస్తుంది. అయితే దాని పై ఎలాంటి క్లారిటీ లేదు కానీ..

ఈ ప్రాజెక్టు లో మాత్రం కాజల్ సెకండ్ హీరోయిన్ గా సెలెక్ట్ అయ్యిందట. అవ్వడానికి సెకండ్ హీరోయిన్ అయినప్పటికీ.. ఈమె పాత్రకి కథలో చాలా ప్రాముఖ్యత ఉంటుందట. ప్రస్తుతం ‘ముంబై సాగా’ ‘ఇండియన్2’ ‘ఆచార్య’ వంటి బడా చిత్రాల్లో నటిస్తున్న కాజల్ మరో బంపర్ ఆఫర్ కొట్టేసిందనే చెప్పాలి.

Most Recommended Video

‘ఉమామహేశ్వర ఉగ్రరూపస్య’ హీరోయిన్ రూప గురించి మనకు తెలియని విషయాలు..!
పోకిరి మూవీలో పూరిజగన్నాథ్ సోనూసూద్ నీ హీరోగా అనుకున్నాడట!
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?