ఆ పుకార్లను ఖండించిన కాజల్..!

May 2, 2020 / 08:08 PM ISTByFilmy Focus

Join Us

మెగాస్టార్ చిరంజీవి లేటెస్ట్ మూవీ ఆచార్య మూవీ నుండి కాజల్ కూడా బయటికి వెళ్లిపోయారని కొద్దిరోజులుగా వార్తలు వస్తున్నాయి. ఆచార్య సినిమాలో ఆమెకు తన పాత్ర నచ్చకపోవడం వలన, పాత్రలో ప్రాధాన్యం లేదని గ్రహించడం వలన ఆమె ఈ నిర్ణయం తీసుకున్నారని కథనాలు వచ్చాయి. అలాగే ఓ తమిళ చిత్రం కోసం కాజల్ ఈ నిర్ణయం తీసుకున్నారని కూడా మీడియాలో కథనాలు ప్రచురితం అయ్యాయి. ఈ నేపథ్యంలో ఈ వార్తలకు చెక్ పెట్టడానికి కాజల్ టీం రంగంలోకి దిగింది.

కాజల్ వ్యక్తిగత మేనేజర్ ఆచార్య మూవీ నుండి ఆమె తప్పుకుంది అని వస్తున్న వార్తలలో నిజం లేదని తేల్చివేశారు. ఇప్పటికే ఆమె ఆచార్య మూవీ కోసం అడ్వాన్స్ కూడా తీసుకున్నారని, లాక్ డౌన్ ముగిసిన అనంతరం ఆచార్య షూటింగ్ లో పాల్గొంటారని చెప్పారు. గతంలో ఆచార్య సినిమాలో హీరోయిన్ గా త్రిషను అనుకున్నారు. ఐతే క్రియేటివ్ డిఫరెన్సెస్ కారణంగా ఆమె తప్పుకున్నట్లు చెప్పడం జరిగింది. దీనితో ఆచార్య సినిమాలో హీరోయిన్ పాత్రకు అసలు ప్రాధాన్యం ఉండదు అని ప్రచారం జరుగుతుంది. అందుకే కాజల్ కూడా తప్పుకున్నారనే పుకారు పుట్టుకొచ్చింది.

Kajal Aggarwal responds on rumours1

ఇక ఈ మూవీలో రామ్ చరణ్ ఓ కీలక పాత్ర చేయనున్నారు. అలాగే నాగబాబు కూతురు నిహారిక కూడా ఓ రోల్ చేస్తున్నట్లు ఆమె స్పష్టత ఇచ్చారు. చరణ్ చిరు కలిసినటిస్తున్న పూరిస్తాయి మొదటి మల్టీస్టారర్ ఆచార్య కావడం విశేషం. కొణిదెల ప్రొడక్షన్స్ బ్యానర్ లో రామ్ చరణ్ ఈ చిత్రాన్ని నిర్మిస్తుండగా, మణిశర్మ సంగీతం అందిస్తున్నారు.