హీరోయిన్స్ అన్నాక ఎప్పటికప్పుడు కొత్తగా ఏదో ఒకటి నేర్చుకొంటూ ఉండాలి. డ్యాన్స్ లేదా ఫిజికల్ యాక్టివిటీ అనేవి లేకపోతే హీరోయిన్స్ కెరీర్ లో పెద్దగా మార్పులు ఉండవు. ఎప్పటికప్పుడు వాళ్ళు అప్డేట్ అవుతుంటేనే వాళ్ళ కెరీర్ లకు ఒక సార్ధకత ఉంటుంది. ఇప్పుడు కాజల్ అగర్వాల్ అదే పనిలో పడింది. తెలుగు ఇండస్ట్రీకి వచ్చి పదేళ్ళు పూర్తవుతున్నా ఇప్పటివరకూ తెలుగు నేర్చుకోవడానికి కానీ మాట్లాడడానికి కానీ ఏమాత్రం ఇంట్రెస్ట్ చూపించని కాజల్ అగర్వాల్ ఇప్పుడు అర్జెంట్ గా కేరళకు చెందిన అత్యంత పురాతనమైన కళల్లో ఒకటైన కలరి పట్టు నేర్చుకోవడానికి సన్నద్ధమవుతోంది.
నిర్మాణ సమస్యల కారణంగా ఆగిపోయిన “భారతీయుడు 2” మళ్ళీ పునఃప్రారంభం కానుంది. శంకర్ దర్శకత్వంలో తెరకెక్కనున్న ఈ చిత్రంలో కమల్ హాసన్ కథానాయకుడిగా నటిస్తుండగా.. ఆయన సరసన కాజల్ కథానాయికగా నటించనుంది. సిద్ధార్థ్, రకుల్ ప్రీత్ సింగ్ మరో జంటగా కనిపించనున్నారు. త్వరలోనే రాజమండ్రిలో ఈ చిత్రం రెగ్యులర్ షూటింగ్ మొదలవ్వనుంది. లైకా ప్రొడక్షన్స్ సంస్థ ఈ భారీ బడ్జెట్ యాక్షన్ ఫిలిమ్ ను రూపొందిస్తుంది.
Home