అనుష్క స్థానంలో కాజల్!

‘సర్ధార్ గబ్బార్ సింగ్’, ‘బ్రహ్మోత్సవం’ చిత్రాలతో ఫ్లాపుల్లో ఉన్న కాజల్ కు ఇక అవకాశాలు రావడం కష్టమని భావించారు. బాలీవుడ్ లో తను నటించిన ‘ది లఫ్జోంకి కహానీ చిత్రం కూడా నిరాశ పరచడంతో ఈ అమ్మడు డీలా పడిపోయింది. ఇక సినిమాలకు గుడ్ బై చెప్పే సమయంలో కాజల్ కు బంపర్ ఆఫర్ వచ్చింది.

తమిళంలో అజిత్ సరసన నటించే సువర్ణావకాశాన్ని సొంతం చేసుకొందట. ‘ఆరంభం, వీరమ్, వేదాలమ్’ చిత్రాల తర్వాత అజిత్ నటించినున్న ఇంకా పేరు పెట్టని సినిమాలో కాజల్ ను కథానాయికగా ఎంపిక చేసుకొన్నట్లు తెలుస్తోంది. నిజానికి ఈ సినిమాలో అనుష్క నటించాల్సివుంది. కానీ అమ్మడు బాహుబలి సినిమాతో బిజీగా ఉండడం వలన అనుష్క స్థానంలో కాజల్ ను తీసుకున్నారు. మరి ఈ అవకాశాన్ని కాజల్ ఎలా వినియోగించుకుంటుందో చూడాలి..!