రానాది నాది జన్మజన్మల అనుబంధం – కాజల్

టాలీవుడ్ లో బాహుబలి సీనియమా చాలా మంది క్రేజ్ ను పీక్స్ కు తీసుకు వెళ్ళింది. అయితే అదే క్రమంలో అందరి లాగానే మన రాణాకి కూడా బాహుబలి ముందు, బాహుబలి తరువాత అన్న క్రేజ్ స్పష్టంగా అర్ధం అవుతుంది. ఇంకా చెప్పాలి అంటే బాహుబలి ముందు మంచి హీరోగా మార్క్స్ సంపాదించుకున్న రాణా…ఒక్క సినిమాతో టాలీవుడ్ టాప్ యాక్టర్ గా మారిపోయాడు అంటే అతిశయోక్తి కాదు. ఇదిలా ఉంటే బాహుబలి తరువాత రాణా లేటెస్ట్ గా నటిస్తున్న సినిమా ‘నేనే రాజు నేనే మంత్రి’. ఒక డిఫరెంట్ కధతో రూపొందిన ఈ సినిమా టీజర్ నిన్ననే విడుదలైంది. అయితే బహుబలి పుణ్యమా అని మంచి పీక్స్ లో ఉన్న రాణా క్రేజ్ తో ఈ మూవీ టీజర్ పట్ల కూడ చాలామంది మంచి ఆశక్తి కనపరిచారు. ఇక మరో పక్క దర్శకుడు తేజ తన టేకింగ్ పద్ధతి మార్చి రూపొందించిన ఈ మూవీ టీజర్ చాలామందికి నచ్చడంతో ఈ మూవీ మొదటి పరీక్షలో మంచి మార్కులు సంపాదించుకుంది. ఈ నేపధ్యంలో ఈమూవీని రానా తానే స్వయంగా రంగంలోకి దిగి సోషల్ మీడియాలో బాగా ప్రమోట్ చేస్తున్నాడు.

ఈనేపథ్యంలో రానా తన అభిమానులతో సోషల్ మీడియాలో ఛాట్ చేస్తున్నప్పుడు అభిమానుల దగ్గర నుంచి ‘బాహుబలి 2’ ప్రస్తావన వచ్చింది. భల్లాల దేవుడు భార్య ఎవరు అంటూ మరొకసారి ఒక అభిమాని రానాను ప్రశ్నించాడు. గతంలో ఇదే ప్రశ్నకు తన కొడుకు భద్ర సరోగసి విధానంతో పుట్టాడు అని గతంలో జోక్ చేసిన రానా ఇప్పుడు మాట మార్చి భద్ర తల్లి కాజల్ అంటూ ఇప్పుడు మరొక ట్విస్ట్ ఇచ్చాడు. ఈ కామెంట్స్ కు షాక్ అయిన కాజల్ రానా ట్విట్ కు సమాధానం ఇస్తూ ‘ఇక నేనేం చేస్తాను మాది జన్మజన్మల అనుబంధం’ అంటూ రీ ట్విట్ చేసింది. మొత్తంగా ఈ మ్యాటర్ ఇప్పుడు ఆన్‌లైన్ లో హల్‌చల్ చేస్తూ రాణా మరియు కాజల్ ఫ్యాన్స్ కి మంచి కామెడీ టాపిక్ గా మారింది. ఏది ఏమైనా…చాలామందిని పీడిస్తూ రాజమౌళి కూడ క్లారిటీ ఇవ్వలేకపోయిన భద్ర జన్మ రహస్యాన్ని ఎట్టకేలకు రానా ఈవిధంగా బయట పెట్టాడు అనుకోవాలి. చూద్దాం మరి ఈ టీజర్ లాగేనే సినిమా ఎంతవరకూ ఆకట్టుకుంటుందో.

Also, do SUBSCRIBE to our YouTube channel to get latest Tollywood updates.