బిగ్ బాస్ హౌస్ లో 11వ వారం నామినేషన్స్ హీటెక్కాయి. ఒకరినొకరు నామినేట్ చేస్కుంటూ హౌస్ మొత్తం నామినేషన్స్ లోకి వచ్చేశారు. రవి కెప్టెన్ కాబట్టి, ఈవారం నామినేషన్స్ నుంచీ తప్పించుకున్నాడు. నామినేషన్స్ లో హౌస్ లో మెజారిటీ సభ్యులు కాజల్ ని, సన్నీని టార్గెట్ చేశారు. శనివారం జరిగిన ఎపిసోడ్ ని దృష్టిలో పెట్టుకుని మరీ నామినేట్ చేశారు. దీనికి లాస్ట్ వీక్ నామినేషన్స్ ని రీజన్స్ గా కూడా చూపిస్తూ కాజల్ ని ఏకంగా నలుగురు ఇంటి సభ్యులు నామినేట్ చేశారు. రవి, షణ్ముక్, సిరి, అనీమాస్టర్ కాజల్ ని టార్గెట్ చేస్తూ నామినేట్ చేశారు.
ముఖ్యంగా అనీమాస్టర్ నామినేట్ చేసేటపుడు ఇద్దరి మద్యలో గట్టి యుద్ధమే జరిగింది. మీరు ఇమిటేషన్ చేస్తూ మాట్లాడితే నాకు నచ్చదని క్లియర్ గా కాజల్ చెప్పింది. అయినా కూడా అనీమాస్టర్ డ్యాన్స్ చేస్తూ కాజల్ ని టీజ్ చేసింది. తన గొంతుని మిమిక్రీ చేస్తూ కాజల్ ని మరింత రెచ్చగొట్టే ప్రయత్నం చేసింది. దీంతో కాజల్ నేను చెప్పింది మీరు చేయరు. ఫస్ట్ వీక్ నుంచీ మీతో కనెక్ట్ అవుదామని చూసినా కూాడ మీరు కనెక్ట్ కాలేదంటూ మాట్లాడింది. అంతేకాదు, నాకు నచ్చని పదాలు చెప్పినా కూడా మీరు అదే రిపీట్ చేస్తున్నారు అంటూ కూల్ గా చెప్పే ప్రయత్నం చేసింది. ఇక అనీమాస్టర్ తన యాక్షన్ తోనే సమాధానం చెప్తుంటే, కాజల్ తను కౌంటర్స్ వేస్తూ రియాక్షన్ ఇచ్చింది.
అంతకుముందు అనీమాస్టర్ ని నామినేట్ చేసిన కాజల్ ఫస్ట్ నుంచీ నా వల్ల నెగిటివ్ వైబ్స్ అన్నారని, వరెస్ట్ అంటూ ముఖంపై ఫోర్స్ గా వాటర్ కొట్టుకున్నారని, అంతలా నేనేం చేశానంటూ వాపోయింది. నాది ఫాల్త్ గేమ్ అన్నారు. నన్ను ఎక్కిరిస్తూ ఇమిటేషన్ చేస్తున్నారు ఇది నాకు నచ్చడం లేదంటూ నామినేట్ చేసింది. దీనికి కౌంటర్ గా డిస్ రెస్పక్ట్ ఇవ్వడం నా ఉద్దేశ్యం కాదని, నాకు డ్యాన్స్ చేయాలనిపించి నేను డ్యాన్స్ చేస్తూ నీతో మాట్లాడుతున్నానని, నీ చేష్టలకే నేను అలా చేయాల్సి వస్తోందని అనీమాస్టర్ చెప్పింది. ఇక్కడే వీరిద్దరికీ హీటెడ్ ఆర్గ్యూమెంట్ జరిగింది. మరి వీరిద్దరిలో ఈవారం ఎవరు సేఫ్ అవుతారు ? ఎవరు ఎలిమినేట్ అవుతారు అనేది చూడాలి.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
