బాలీవుడ్ స్టార్ హీరోల్లో ఒకడైన అజయ్ దేవగణ్ తాను చేసే సినిమాల్లో ఉండే యాక్షన్ సీక్వెన్స్ ల కంటే ఎక్కువగా ఆ సినిమాల నడుమ ఆయనగారు చేసే ప్రాంక్స్ వల్ల ఆయన చాలా పాపులర్ అయ్యాడు. సినిమా షూటింగ్ టైమ్ లో ఆయన తన టీం మెంబర్స్ తో చేసే ప్రాంక్స్ ఒక్కోసారి వైరల్ అవుతుంటాయి. అలా రీసెంట్ గా అజయ్ దేవగణ్ ప్లే చేసిన ఒక ప్రాంక్ ఒకరిద్దరు కాదు ఏకంగా కొన్ని వేలమందిని ఫూల్స్ ని చేసింది. నిన్న ఉదయం అజయ్ “కాజోల్ ఊర్లో లేదు.. ఆమెను వాట్సాప్ ద్వారా కోఆర్డినేట్ అవ్వు” అంటూ ఆమె నెంబర్ కూడా పోస్ట్ చేశాడు అజయ్.
నిమిషాల్లోనే ఆ నెంబర్ వైరల్ అయిపోయి కొన్ని వేలమంది ఆ నెంబర్ కి ఫోన్ కాల్స్ & వాట్సాప్ మెసేజులు చేయడం మొదలెట్టారు. కట్ చేస్తే.. ఆ నెంబర్ తోపాటు ఆ ట్వీట్ కూడా జనాల్ని ఫూల్ చేయడం కోసమేనని తెలియడంతో అందరూ షాక్ అయ్యారు. ఈ విషయం కాజోల్ దాకా వెళ్లింది. వెంటనే ఆమె ట్విట్టర్ ద్వారా ఇలాంటి ప్రాంక్స్ ఏమైనా ఉంటే బయట మాత్రమే చేసుకో.. ఇంటికి మాత్రం రానివ్వకు అని రిప్లై ఇచ్చింది. ఈ మొగుడు పెళ్ళాల గోలేమిటో తెలియదు కానీ.. జనాలు మాత్రం చాలా చిరాగ్గా ఫీల్ అవుతున్నారు.
