కల్కి 2898 ఏడీ (Kalki 2898 AD) మూవీ ప్రభంజనం బాక్సాఫీస్ వద్ద కొనసాగుతోంది. ప్రభాస్ (Prabhas) , నాగ్ అశ్విన్ (Nag Ashwin) కాంబినేషన్ లో తెరకెక్కిన ఈ సినిమా ఇప్పటికే ఎన్నో సంచలన రికార్డులను సొంతం చేసుకోగా తాజాగా ఈ సినిమా జవాన్ రికార్డ్ ను బ్రేక్ చేసి వార్తల్లో నిలిచింది. బుక్ మై షోలో అత్యధిక టికెట్లు బుక్ అయిన ఇండియన్ సినిమాగా కల్కి 2898 ఏడీ నిలిచింది. జవాన్ (Jawan) సినిమాకు బుక్ మై షోలో 12.01 మిలియన్ టికెట్లతో ఉన్న రికార్డ్ ను కల్కి 2898 ఏడీ మూవీ సునాయాసంగా బ్రేక్ చేసింది.
కల్కి సినిమాకు సంబంధించి ఇప్పటివరకు ఏకంగా 12.15 మిలియన్ల టికెట్లు అమ్ముడవగా బుక్ మై షో వెబ్ సైట్ లో ఎక్కువ సంఖ్యలో టికెట్లు అమ్ముడైన ఇండియన్ సినిమాగా ఈ సినిమా చరిత్ర సృష్టించింది. కల్కి 2898 ఏడీ మూవీ ప్రేక్షకులకు సరికొత్త అనుభూతిని పంచడంతో ఈ సినిమాకు రికార్డ్ స్థాయిలో బుకింగ్స్ వచ్చాయి. అన్ని వర్గాల ప్రేక్షకులను మెప్పించిన సినిమాగా కల్కి 2898 ఏడీ నిలిచింది.
సినిమాలో ప్రభాస్ అమితాబ్ (Amitabh Bachchan) కాంబినేషన్ లో ఉన్న సీన్లు మాత్రం వావ్ అనేలా ఉన్నాయి. కల్కి 2898 ఏడీ మూవీ బాక్సాఫీస్ ను షేక్ చేస్తుండగా ఎన్నో టాప్ రికార్డులు అలవోకగా ఈ సినిమా ఖాతాలో చేరుతున్నాయి. సెలబ్రిటీలు సైతం కల్కి సినిమాను థియేటర్లలో చూస్తూ సినిమాపై పాజిటివ్ గా ఒపీనియన్లను పంచుకున్నారు. ప్రభాస్ నాగ్ అశ్విన్ కల్కి సినిమాతో మ్యాజిక్ చేశారని చెప్పవచ్చు.
భైరవ, కర్ణుడి పాత్రల్లో ప్రభాస్ నట విశ్వరూపం చూపించారు. ఈ సినిమా ఓటీటీ రిలీజ్ కోసం పది వారాల ఎదురుచూపులు తప్పవని తెలుస్తోంది. ఆలస్యంగా ఓటీటీలో సినిమా స్ట్రీమింగ్ కానుందని క్లారిటీ రావడంతో థియేటర్లలో ఈ సినిమాను చూడాలని భావించే వాళ్లు వెంటనే చూసేస్తున్నారు. కల్కి 2898 ఏడీ సీక్వెల్ కు సంబంధించిన అప్ డేట్స్ కోసం ఫ్యాన్స్ ఆసక్తిగా ఎదురుచూస్తున్నారు.
