‘పి.ఎస్.వి గరుడవేగ’ చిత్రంతో దాదాపు 10 ఏళ్ళ తరువాత హిట్టందుకున్నాడు యాంగ్రీ స్టార్ రాజశేఖర్. ఆ హిట్టందుకున్న జోష్ లో ఇప్పుడు ప్రశాంత్ వర్మ డైరెక్షన్లో ‘కల్కి’ చిత్రం చేసాడు. సస్పెన్స్ థ్రిల్లర్ నేపథ్యంలో సాగే కథాంశంతో ఈ చిత్రం రూపొందింది. ఇక జులై 28 న విడుదల కాబోతున్న ఈ చిత్రానికి ప్రమోషన్లు వేగవంతం చేసారు చిత్ర యూనిట్. ఇందులో భాగంగా.. ఈ చిత్రానికి సంభందించిన హానెస్ట్ ట్రైలర్ ను తాజాగా విడుదల చేశారు.
‘ఆకాశవాణి.. కొల్లాపూర్‌ ఎమ్మెల్యే నర్సప్ప తమ్ముడు శేఖర్‌బాబు దారుణ హత్య తర్వాత నర్సప్ప పెరుమాండ్ల వర్గీయుల మధ్య పరస్పర దాడులతో ఉద్రిక్తత పరిస్థితులు నెలకొన్నాయి’ అంటూ సాగే డైలాగ్ తో ట్రైలర్ మొదలైంది. ఈ ట్రైలర్ రాజశేఖర్ మరింత స్టయిలిష్ గా కనిపిస్తున్నాడు. ‘హనుమంతుడు సాయం మాత్రమే చేస్తాడు. యుద్ధం చేయాల్సింది మాత్రం రాముడే’ అంటూ నాజర్ పలికిన డైలాగ్ ఆకట్టుకుంటుంది. ఆ వెంటనే రాజశేఖర్ గొడ్డలి పట్టుకుని నరకడం వంటి షాట్స్ హై లెవెల్ లో ఉన్నాయి. నేపధ్య సంగీతం కూడా చాలా బాగుంది. మొత్తానికి ట్రైలర్ మాత్రం సినిమా పై అంచనాల్ని మరింత పెంచేలా ఉంది.
